હળવદના સુખપર ગામની સીમમાં નર્મદાની કેનાલ ઉપરથી ચાર ઇલેક્ટ્રીક મોટરની ચોરી
SHARE
JOIN OUR GROUP
હળવદના સુખપર ગામની સીમમાં નર્મદાની કેનાલ ઉપરથી ચાર ઇલેક્ટ્રીક મોટરની ચોરી
હળવદ તાલુકાના સુખપર ગામની સીમમાં નર્મદા કેનાલમાંથી પાણી ખેંચવા માટે થઈને ખેડૂતો દ્વારા ઈલેક્ટ્રીક મોટર મુકવામાં આવી હતી જે પૈકીની ચાર ઇલેક્ટ્રીક મોટરની ચોરી કરવામાં આવે છે જેથી કરીને 60,000 ની કિંમતના મુદ્દામાલની ચોરી થઈ હોવાની ભોગ બનેલા યુવાને હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
હળવદ તાલુકાના શક્તિનગર સુખપર ગામે રહેતા રમેશભાઈ સોંડાભાઈ પરમાર (41) એ અજાણ્યા શખ્સની સામે ચોરીની ફરિયાદ નોંધાવેલ છે જેમાં જણાવ્યું છે કે, સુખપર ગામની સગારીયા નામે ઓળખાતી સીમમાં ધાંગધ્રા બ્રાન્ચની નર્મદા કેનાલમાંથી પાણી ખેંચવા માટે થઈને ફરિયાદી તથા સાહેદોએ સુખપર ગામની સીમમાં કેનાલ ઉપર પાંચ હોર્સપાવરની ઈલેક્ટ્રીક મોટર નંગ 4 મૂકી હતી જેની કિંમત 60 હજાર રૂપિયા તે ઈલેક્ટ્રીક મોટરની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને પોલીસે અજાણ્ય શખ્સની સામે ગુનો નોંધીને આરોપીને પકડવા માટે તજવીજ શરૂ કરેલ છે.
અકસ્માતમાં ઇજા
મોરબીમાં ત્રાજપર ચોકડી પાસે આવેલ શક્તિ ચેમ્બર નજીક અકસ્માતનો બનાવ બન્યો હતો જે બનાવમાં વિશ્વેન્દ્રસિંહ (24) બીરેન્દ્રભાઈ (26) રહે, બંને ઢુવા વાળાને ઇજા થતાં તેને સારવાર માટે હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે
અકસ્માતમાં ઇજા
મોરબીમાં નટરાજ ફાટક પાસે બાઈક અને કાર વચ્ચે અકસ્માતનો બનાવ બનેલ હતો જે બનાવમાં રમેશભાઈ જેસીંગભાઇ (42) રહે, પરશુરામ નગર સોઓરડી મોરબી વાળાને ઇજા થઈ હતી જેથી તેને સારવાર માટે મોરબીની ક્રિષ્ના હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
