મોરબીમાં સરપ્રાઇઝ વાહન ચેકિંગ: કાળા કાચા વાળા અને નંબર પ્લેટ વગરના વાહન ચાલકો સામે પોલીસની લાલ આંખ
SHARE
JOIN OUR GROUP
મોરબીમાં સરપ્રાઇઝ વાહન ચેકિંગ: કાળા કાચા વાળા અને નંબર પ્લેટ વગરના વાહન ચાલકો સામે પોલીસની લાલ આંખ
મોરીબમાં આજે ડીવાયએસપીની આગેવાની હેઠળ શહેર અને તાલુકા પોલીસ તેમજ એલસીબી અને એસઓજીના અધિકારીઓ સહિતની ટિમ દ્વારા સરપ્રાઇઝ વાહન ચેકિંગ કરવામાં આવ્યું હતું અને આ ડ્રાઇવમાં ખાસ કરીને કાળા કાચા વાળા અને નંબર પ્લેટ વગરના વાહન ચાલકો સામે પોલીસ દ્વારા લાલ આંખ કરવામાં આવી હતી અને ધડોધડ મેમો આપવામાં આવ્યા હતા તેમજ કેટલાક વાહનોને ડિટેઇન પણ કરવામાં આવેલ છે.
મોરબીમાં ગુરુવારે સાંજે એસપી મુકેશકુમાર પટેલની સૂચના મુજબ ડીવાયએસપી પી.એ.ઝાલાની આગેવાનીમાં સરપ્રાઇઝ મેગા વાહન ચેકિંગ ડ્રાઇવનું આયોજન કરવામાં આવ્યું હતું અને મોરબી શહેરના એન્ટ્રી અને એકઝીટ પોઇન્ટ તેમજ વીસી ફાટક, નવલખી રોડ ઉપર સરપ્રાઇઝ વાહન ચેકિંગ કરવામાં આવ્યા હતા ત્યારે HSRP નંબર પ્લેટ લગાવેલ ન હોય, નંબર પ્લેટ વગરના વાહનો, ફેન્સી કે તુટેલી નંબર પ્લેટ અને ફોર વ્હીલરમાં ડાર્ક ફીલ્મ લગાડેલ હોયે તેવા વાહન ચાલકો સામે કડક કાર્યવાહી કરવા આવી હતી. અને ઘણા વાહન ચાલકો પાસેથી ટ્રાફિકના નિયમનો ભંગ કરવા બદલ સ્થળ ઉપર દંડ લેવામાં આવેલ હતો જો કે, કેટલાક વાહન ચાલકોને મેમો આપવામાં આવ્યા હતા અને અમુક વાહન ચાલકના વાહનોને ડિટેઇન કરવામાં આવ્યા હતા. આ તકે મોરબી એ ડિવિઝન, બી ડિવિઝન, મોરબી તાલુકા પોલીસ સ્ટેશનના પીઆઇ સહિતની ટીમો તેમજ એલસીબી અને એસઓજીના પીઆઇ સહિતની ટીમો હાજર રહી હતી અને પોલીસ દ્વારા ટ્રાફિકના નિયમોનો ભંગ કરીને વાહન ચલાવનારા વાહન ચાલકો સામે કાર્યવાહી કરવામાં આવી હતી.
