મોરબીમાં જૂના બસ સ્ટેશન નજીક હોસ્પિટલ પાસેથી બાઈકની ચોરી

મોરબીના જુના બસ સ્ટેશન પાસે આવેલ હોસ્પિટલના પાર્કિંગમાં યુવાને પોતાનું બાઈક પાર્ક કરીને મૂક્યુ હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી ભોગ બનેલા યુવાને એ ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવેલ છે

જાણવા મળતી માહિતી મુજબ મોરબીમાં નજરબાગ રેલવે સ્ટેશન પાસે આવેલ જીવરાજ સોસાયટી શેરી નં-1 માં રહેતા મયુરભાઈ શામજીભાઈ રાઠોડ (32)એ હાલમાં મોરબી એ ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવેલ છે જેમાં જણાવ્યું છે કે મોરબીમાં જુના બસ સ્ટેશન પાસે આવેલ આયુષ હોસ્પિટલની લેબોરેટરી પાસે તેણે પોતાનું બાઈક નંબર જીજે 36 એમ 6819 પાર્ક કરીને મૂક્યું હતું જે ૩૦ હજાર રૂપિયાની કિંમતનું બાઇક કોઈ અજાણ્યા શખ્સ દ્વારા ચોરી કરવામાં આવેલ છે જેથી ભોગ બનેલ યુવાને નોંધાવેલ ફરિયાદ આધારે પોલીસે અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરી છે