મોરબીના વાઘપર ગામ નજીક વાડીએ ઝેરી દવા પી ગયેલ બાળકીનું સારવારમાં મોત

મોરબી તાલુકાના વાઘપર અને સોખડા ગામની સીમમાં આવેલ વાડીએ રહેતા અને મજૂરી કામ કરતાં પરિવારની નવ વર્ષની દીકરીએ કોઈ કારણોસર ઝેરી દેવા પી જતા તેને સારવાર માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં સારવાર દરમિયાન તેનું મોત નીપજ્યું હતું જેથી આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી મુજબ મોરબી તાલુકાના વાઘપર અને સોખડા ગામની સીમમાં મહેન્દ્રભાઈ જીવાભાઇની વાડીએ રહેતા અને મજૂરી કામ કરતા સવાભાઈ પરમારની નવ વર્ષની દીકરી સેજલબેન કોઈ અગમ્ય કારણોસર પોતે પોતાની જાતે વાડીએ હતી ત્યારે ઝેરી દવા પી જતા તેને સારવાર માટે મોરબી શહેરમાં આવેલ સરકારી હોસ્પિટલ ખાતે લઈને આવ્યા હતા અને ત્યાં તેને સારવાર માટે દાખલ કરવામાં આવી હતી અને સારવાર દરમિયાન તે બાળકીનું મોત નીપજ્યું હતું જેથી કરીને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ એ.પી.જાડેજા દ્વારા કરવામાં આવી હતી.