ટંકારા તાલુકાનાં કારખાનેદારને હનીટ્રેપમાં ફસાવવાની ટીપ આપનારની ધરપકડ
SHARE
JOIN OUR GROUP
ટંકારા તાલુકાનાં કારખાનેદારને હનીટ્રેપમાં ફસાવવાની ટીપ આપનારની ધરપકડ
ટંકારા તાલુકાના કારખાનેદારને હનીટ્રેપમાં ફસાવવામાં આવ્યો હતો અને તેની પાસેથી રોકડા રૂપિયા પડાવવામાં આવ્યા હતા જે ગુનામાં મહિલા સહિત પહેલા ચાર આરોપીને પકડ્યા હતા ત્યાર બાદ કારખાનેદારને ફસાવવા માટેની ટીપ આપનાર મુખ્ય આરોપીની ધરપકડ કરવામાં આવેલ છે.
ટંકારા તાલુકાનાં હરીપર ગામે રહેતા અજિતભાઈ ભાગીયા નામના કારખાનેદારના મોબાઇલ ફોનમાં અજાણી મહિલાનો ફોન આવેલ હતો ત્યાર બાદમાં તે કારખાનેદારને દેવુબેન ઉર્ફે પુજાબેન નામની મહિલા તેમજ તેના પતિ સહિતનાઓ દ્વારા હનીટ્રેપમાં ફસાવવામાં આવેલ અને બળાત્કારના કેસમાં ફિટ કરાવી દેવાની ધમકી આપીને કારખાનેદાર પાસેથી પાંચ લાખ રૂપિયા પડાવવામાં આવ્યા હતા જેથી કરીને કારખાનેદારે દિવ્યાબેન ઉર્ફે પુજા રમેશભાઈ જાદવ અને તેના પતિ રમેશભાઈ કાળુભાઈ જાદવ સહિત પાંચ સામે ફરિયાદ નોંધાવેલ હતી જે ગુનામાં પોલીસે પહેલા મહિલા અને તેના પતિ સહિત કુલ ચાર આરોપીને પકડ્યા હતા અને તેની પાસેથી રોકડા રૂપિયા તેમજ કાર સહિત કુલ મળીને 8.25 લાખનો મુદામાલ કબજે કર્યો હતો જે ગુનામાં પોલીસે હાલમાં આરોપી રણછોડભાઇ ભીખાભાઇ રબારી રહે. સજનપર તાલુકો ટંકારા વાળાની ધરપકડ કરેલ છે અને આ આરોપીએ કારખાનેદારના મોબાઇલ નંબર મહિલાને આપેલ હતા જેથી કરીને હનીટ્રેપ માટે ટીપ આપનાર આરોપીને પકડીને પોલીસે તેના રિમાન્ડ લેવા માટેની તજવીજ શરૂ કરી છે. આ કામગીરી પીઆઇ કે.એમ.છાસીયા સહિતની ટીમે કરી હતી.
