ટંકારાના મિતાણા નજીકથી ૩૩૬૦ બોટલ દારૂ ભરેલ ગાડી સહિત ૫.૯૧ લાખના મુદામાલ સાથે એકની ધરપકડ: એક ફરાર
SHARE
JOIN OUR GROUP
ટંકારાના મિતાણા નજીકથી ૩૩૬૦ બોટલ દારૂ ભરેલ ગાડી સહિત ૫.૯૧ લાખના મુદામાલ સાથે એકની ધરપકડ: એક ફરાર
મોરબી રાજકોટ હાઇવે રોડ ઉપર આવેલ મીતાણા ગામ પાસે ઈરીગેશનના બંગલા સામે રોડ ઉપર એલસીબીની ટીમ પેટ્રોલિંગમાં હતી ત્યારે ત્યાંથી પસાર થઈ રહેલ એસેન્ટ ગાડી અને તેની પાછળ આવી રહેલ મહિન્દ્રા જીતો પ્લસ ગાડીને રોકાવામાં આવી હતી ત્યારે મહેન્દ્ર જીતો ગાડીનો ચાલક પોતાનું વાહન છોડીને નાસી ગયો હતો જેથી કરીને પોલીસ દ્વારા વાહનોને ચેક કરવામાં આવતા મહિન્દ્રા જીતો પ્લસ ગાડીમાંથી દારૂની નાની ૧૯૨૦ બોટલ તેમજ ૧૪૪૦ પાઉચ મળી આવ્યા હતા જેથી કરીને પોલીસે દારૂનો જથ્થો તથા દોઢ લાખ રૂપિયાની કિંમતનું વાહન અને તે ગાડીનું પાયલોટિંગ કરતી એસેન્ટ ગાડી અને મોબાઈલ ફોન સહિત કુલ મળીને ૫,૯૧,૦૦૦ ની કિંમતનો મુદ્દામાલ કબજે કરીને આરોપીની ધરપકડ કરેલ છે અને વાહન છોડીને નાશી ગયેલા આરોપીને પકડવા માટે ચક્રોગતિમાન કર્યા છે
જાણવા મળતી માહિતી પ્રમાણે હાલમાં લોકસભાની ચૂંટણીને ધ્યાનમાં રાખીને દારૂ તેમજ રૂપિયાની હેરાફેરી ન થાય તે માટે થઈને પોલીસ દ્વારા સઘન ચેકિંગ કરવામાં આવતું હોય છે દરમિયાન મોરબી જિલ્લા એલસીબીની ટીમ મોરબી રાજકોટ હાઇવે રોડ ઉપર આવેલ મીતાણા ગામ પાસે પેટ્રોલિંગમાં હતી ત્યારે ત્યાં ઈરીગેશનના બંગલા સામેથી પસાર થઈ રહેલ એસન્ટ ગાડી અને મહિન્દ્રા જીતો પ્લસ ગાડીને રોકવામાં આવતા મહિન્દ્રા જીતો પ્લસ ગાડી નંબર જીજે ૩૬ વી ૪૩૫૬ નો વાહન ચાલક તેનુ વાહન ત્યાં સ્થળ ઉપર છોડીને નાસી ગયો હતો જેથી કરીને પોલીસ દ્વારા બંને વાહનોને ચેક કરવામાં આવ્યા હતા ત્યારે મહેન્દ્રા જીતો પ્લસ ગાડીમાંથી દારૂની નાની ૧૯૨૦ બોટલો મળી આવતા ૧,૯૨,૦૦૦ ની કિંમતની દારૂની બોટલો તેમજ દારૂના ૧૪૪૦ પાઉચ મળી આવ્યા હતા જેની કિંમત ૧,૪૪,૦૦૦ અને ૧.૫ લાખ રૂપિયાની કિંમતનું વાહન તે ઉપરાંત દારૂ ભરેલી ગાડીનું પાયલોટિંગ કરી રહેલ એસન્ટ ગાડી નંબર જીજે ૩ સીએ ૫૭૬૮ જેની કિંમત એક લાખ રૂપિયા અને એક મોબાઈલ ફોન જેની કિંમત ૫૦૦૦ રૂપિયા આમ કુલ મળીને પોલીસે ૫,૯૧,૦૦૦ ની કિંમત નો મુદ્દા માલ કબજે કરીને એસન્ટના ચાલક સાજીદભાઈ અલ્લારખાભાઈ લંજા જાતે સંધી (૩૪) રહે જંકશન પ્લોટ શેરી નં-૧ રાજકોટ વાળા ની ધરપકડ કરેલ છે અને દારૂ ભરેલ વાહન નો ચાલક મોસીન રફીકભાઈ કડિયા રહે મોરબી વાળો નાસી છૂટ્યો હોય તેની સામે પણ ગુનો નોંધી પોલીસે તેને પકડવા માટે તજવીજ શરૂ કરી છે
