મોરબીમાં ત્રાજપર ચોકડી નજીકથી દારૂની મોંધી દાટ બે બોટલ સાથે એકની ધરપકડ
Morbi Today
મોરબીની આર.ઓ.પટેલ બી.એડ કોલેજ દ્વારા બીઆરસી ભવનની મુલાકાત યોજાઈ
SHARE
JOIN OUR GROUP
મોરબીની આર.ઓ.પટેલ બી.એડ કોલેજ દ્વારા બીઆરસી ભવનની મુલાકાત યોજાઈ
મોરબીની આર.ઓ.પટેલ બી.એડ કોલેજના આચાર્ય કમલેશભાઈ ભોરણીયાના પ્રેરણાત્મક માર્ગદર્શન હેઠળ આર.ઓ.પટેલ બી.એડ કોલેજની બીજા સેમેસ્ટરની વિદ્યાર્થીનીઓ દ્વારા બીઆરસી ભવન મોરબીની મુલાકાત લેવામાં આવી હતી. જેમાં કોલેજના ડૉ.સાપરિયા, વિરમગામા, ધર્મિષ્ઠાબેન દસાડિયા, અરૂણાબેન સાણજા અધ્યાપક ગણ ઉપસ્થિત રહ્યા હતા. અત્રે ઉલ્લેખનીય છે કે બી.એડ. ના અભ્યાસક્રમમાં સીઆરસી અને બીઆરસીની ફરજો ઉપરાંત શિક્ષણના વર્તમાન પ્રવાહો વિશેની જાણકારી અત્યંત અગત્યની બની જાય છે.ત્યારે આજની આ વિશિષ્ટ મુલાકાતમાં બીઆરસી કો-ઓર્ડીનેટર ચિરાગભાઈ આદ્રોજા દ્વારા વર્તમાન સમયમાં ટેકનોલોજીના ઉપયોગ દ્વારા કઈ રીતે શિક્ષણ આપી શકાય તેનું માર્ગદર્શન આપવામાં આવ્યું હતુ.
તેમજ ક્યુંઆર કોડ ટેકનોલોજીના ઉપયોગ દ્વારા વિદ્યાર્થીનીઓને શૈક્ષણિક ગેમ રમાડવામાં આવી હતી.સીઆરસી કો-ઓર્ડીનેટર ચંદ્રકાંતભાઈ બાવરવા દ્વારા સીઆરસી અને બીઆરસીની ફરજો, તેમની કામગીરીની રૂપરેખા તેમજ વર્તમાન સમયમાં સ્વિફ્ટ ચેટ, સ્વમૂલ્યાંકન, સ્ટુડન્ટ રિપોર્ટ કાર્ડ જેવા મહત્વના મુદ્દાઓ અંગે પ્રશિક્ષણાર્થીઓને વિશદ્ સમજ આપવામાં આવી હતી.ત્યારબાદ સીઆરસી કો-ઓર્ડીનેટર ઉમેશભાઈ પટેલ દ્વારા જી-શાળા, ઓઆરએફ દ્વારા વાચનનું મૂલ્યાંકન કેવી રીતે કરાય છે તે સમજાવ્યું હતુ.તેમજ તેમણે શૈક્ષણિક ટૂંકાક્ષરી નામોની ક્વિઝ રમાડેલ જેમાં સાચા જવાબો આપનાર વિદ્યાર્થીનીઓને સન્માનિત કરવામાં આવી હતી.તેમજ વિદ્યાર્થીનીઓએ પોતે આ મુલાકાત માટે કેવી અપેક્ષાઓ રાખેલ હતી એ પણ જણાવ્યું તદુપરાંત દિવ્યાંગ બાળકો માટેના વર્ગની મુલાકાત કરી, બીઆરસી ભવન ઓફિસ, એમ.આઇ.એસ ઓફિસ સાહિત્ય વર્ગની મુલાકાત લઇને બ્લોક રિસોર્સ સેન્ટર વિશેની પોતાની સમજને વિસ્તૃત કરી હતી.આ તકે ડૉ.સાપરિયાએ પોતાનો પ્રતિભાવ આપતા જણાવ્યુ હતું કે અહીં કરેલ મુલાકાત વિશિષ્ટ અને વિદ્યાર્થીનીઓ માટે ફળદાયી બની રહેલ છે.
