ટંકારાના છતર પાસેથી ૪ બોટલ દારૂ સાથે એક આરોપી-મોરબીના ભડિયાદ પાસેથી ૧૦ બીયર સાથે એક આરોપીની ધરપકડ

ટંકારા તાલુકાના છતર નજીક જીઆઇડીસી પાસેથી બાઈક લઈને પસાર થતા શખ્સને રોકીને પોલીસે તેની પાસેથી ચાર બોટલ દારૂ  કબ્જે કરીને તેની ધરપકડ કરી હતી તેવી જ રીતે મોરબીના ભડીયાદ નજીક તાલુકા પોલીસની ટીમ દ્વારા બિયરના ૧૦ ટીન સાથે એક શખ્સની ધરપકડ કરવામાં આવેલ છે

જાણવા મળતી માહિતી પ્રમાણે ટંકારા તાલુકાના છત્તર જીઆઇડીસી સામે આવેલ જીઈબીના સબ સ્ટેશન પાસેથી બાઈક લઈને એક શખ્સ પસાર થઈ રહેલા હતો ત્યારે જીજે ૩ એજી ૩૬૩૬ નંબરનું બાઇક રોકીને બાઈકમાં લગાવવામાં આવેલ પ્લાસ્ટિકની થેલી ચેક કરી હતી ત્યારે તેમાંથી દારૂની ચાર બોટલો મળી આવી હોય પોલીસે ૧૬૦૦ રૂપિયાની કિંમતની દારૂની બોટલો તેમજ બાઈક આમ કુલ મળીને ૩૧,૬૦૦ ની કિંમતનો મુદ્દામાલ કબજે કરીને આરોપી દેવકણભાઈ ઉર્ફે પ્રફુલભાઈ રામભાઈ પરમાર જાતે દેવીપુજક (૨૭) રહે. છતર તાલુકો ટંકારા વાળાની ધરપકડ કરેલ છે અને ટંકારા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરવામાં આવી છે

તો મોરબી તાલુકાના ભડિયાદ ગામની સીમમાં આવેલ ૨૨૨ કારખાના સામે રસ્તા ઉપરથી પસાર થયેલ શખ્સને રોકીને પોલીસ દ્વારા ચેક કરવામાં આવતા તેની પાસેથી બીયરના દસ ટીન મળી આવ્યા હતા જેથી કરીને પોલીસે ૧૦૦૦ ની કિંમતનો બિયરનો જથ્થો કબજે કર્યો હતો અને આરોપી લાલજીભાઈ પ્રવીણભાઈ ડાભી જાતે અનુ. જાતી (૨૦) રહે. સો-ઓરડી ખડીયાવાસ રામદેવપીર મંદિર પાસે મોરબી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધીને પોલીસે આરોપી પાસેથી મળી આવેલ બિયરનો જથ્થો તે ક્યાંથી લાવ્યો હતો તે દિશામાં તપાસ શરૂ કરી છે