ટંકારાના લતીપર રોડે ટ્રાવેલ્સના ચાલકે તોતિંગ વ્હીલ ફેરવી દેતા રાહદારી વૃદ્ધાનું મોત

ટંકારાના લતીપર રોડ ઉપર આવેલ દયાનંદ હોસ્પિટલ સામેથી વૃદ્ધા ચાલીને જઈ રહ્યા હતા ત્યારે ટ્રાવેલ્સના ચાલકે તેઓને હડફેટે લીધા હતા અને વૃદ્ધા ટ્રાવેલ્સના પાછળના જોટામાં આવી જતા તેના ઉપરથી તોતિંગ વ્હીલ ફરી જવાના કારણે તેઓનું મોત નીપજયું હતું હાલમાં અકસ્માત મૃત્યુના આ બનાવમાં મૃતક વૃદ્ધાના દીકરાએ ટ્રાવેલ્સના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે 

બનાવી જાણવા મળતી માહિતી મુજબ ટંકારાના જબલપુર ગામે રહેતા શામજીભાઈ ડાયાભાઈ પંચાસરા જાતે કોળી (૫૮)એ હાલમાં ટંકારા તાલુકા પોલીસ સ્ટેશન ખાતે ટ્રાવેલ્સ નંબર જીજે ૫ બીપી ૯૫૫૪ ના ચાલક સામે ફરિયાદ નોંધાવી છે જેમાં તેને જણાવ્યું છે કે, ટંકારાના લતીપર રોડ ઉપર આવેલ દયાનંદ હોસ્પિટલ પાસેથી ફરિયાદીના બા બેબીબેન ડાયાભાઈ પંચાસરા પગપાળા ચાલીને જઈ રહ્યા હતા ત્યારે તેઓને ટ્રાવેલ્સ બસના ચાલકે હડફેટે લીધા હતા અને પછાડી દીધા બાદ ત્યાર બાદ તેઓના ઉપરથી ટ્રાવેલ્સના પાછળનો જોટો ફરી વળતા તેઓને ગંભીર ઇજા થઈ હતી જેથી તેનું મોત નીપજયું હતું ત્યારબાદ તેના મૃતદેહને હોસ્પિટલે લઇ ગયા હતા અને આ બનાવ સંદર્ભે હાલમાં મૃતકના દીકરાએ નોંધાવેલ ફરિયાદ આધારે પોલીસે ટ્રાવેલ્સના ચાલક સામે ગુનો નોંધી આરોપીને પકડવા માટે તજવીજ શરૂ કરી છે