મોરબીથી ગાંધીનગર દવા લેવા નીકળ્યા બાદ ગુમ થયેલ પિતા-પુત્ર હેમખેમ મળ્યા

મોરબી શહેરના સામાકાંઠા વિસ્તારમાં આવેલ ઋષભનગર સોસાયટીમાં રહેતા પિતા પુત્ર ગુમ થઈ ગયેલ છે જે બાબતની ગુમ સુધા ફરિયાદ મોરબી સીટી બી ડિવિઝન પોલીસ સ્ટેશન ખાતે નોંધાવવામાં આવી છે જેના આધારે પોલીસે ગુમ થયેલા બંને વ્યક્તિઓને શોધવા માટે થઈને તજવીજ શરૂ કરી હતી અને હાલમાં તે બંને ધ્રાંગધ્રાના બાવડી ગામે તેના સાગનાં ઘરેથી મળી આવેલ છે

મોરબીના ઘુનડા રોડ ઉપર આવેલ ચિત્રકૂટ સોસાયટી શેરી નં-૧ માં રહેતા મીતેનભાઈ હિતેશભાઈ ત્રિવેદી જાતે બ્રાહ્મણ (૩૨) એ હાલમાં મોરબી સીટી બી ડિવિઝન પોલીસ સ્ટેશન ખાતે તેના પિતા હિતેશભાઈ કિશોરચંદ્ર ત્રિવેદી (૬૪) તથા મોટો ભાઈ ચિરાગ હિતેશભાઈ ત્રિવેદી (૩૪) રહે. બંને ઋષભનગર સોસાયટી વાળા ગુમ થયા હોવા અંગેની ગુમ સુધા ફરિયાદ નોંધાવેલ છે જેમાં તેને જણાવ્યું છે કે, તેના પિતા અને મોટાભાઈને માનસિક બીમારી હોય જેની દવા લેવા માટે ગાંધીનગર સરકારી હોસ્પિટલ ખાતે જવાનું કહીને નીકળ્યા હતા અને ગત તા. ૬/૧૨ ના રોજ બપોરે દોઢ વાગ્યાની આસપાસ ઘરેથી નીકળ્યા બાદ તેનો કોઈ જગ્યાએથી પતો લાગેલ નથી જેથી કરીને હાલમાં ગુમ થયેલા હિતેશભાઈ ત્રિવેદીના દીકરા મીતેનભાઈ ત્રિવેદીએ નોંધાવેલ ગુમસુધા ફરિયાદ આધારે પોલીસે નોંધ કરી ગુમ થયેલ પિતા પુત્રને શોધવા માટે તેને તજવીજ શરૂ કરી હતી અને હાલમાં તેના પરિવારજન પાસેથી મળી રહેલ માહિતી મુજબ અને તે બંને ધ્રાંગધ્રાના બાવડી ગામે તેના સાગનાં ઘરેથી મળી આવેલ છે જેથી પોલીસ અને પરિવારે રાહતનો શ્વાસ લીધેલ છે

બે બોટલ દારૂ
મોરબીના શોભેશ્વર રોડ ઉપર વૃદ્ધાશ્રમની સામેના ભાગમાંથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની બે બોટલો મળી આવતા પોલીસે ૬૮૦ ની કિંમતની દારૂની બોટલો કબજે કરી હતી અને જગદીશભાઈ ઉર્ફે જીગો રમેશભાઈ પાટડીયા જાતે કોળી (૨૫) રહે. કુબેર ટોકીઝ પાછળ ધાર વિસ્તાર મોરબી વાળાની ધરપકડ કરેલ છે અને તેની સામે મોરબી બી ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરવામાં આવી છે