ટંકારા એસબીઆઇ ખાતે કેસ ડિપોઝીટ મશીન મુકવા માંગ, તાલુકાના સેન્ટરમાં સુવિધા મળે તો હજારો ગ્રાહકોને લાભ
Morbi Today
મોરબીના સામાકાંઠે ભાગવત જ્ઞાનયજ્ઞ તેમજ હળવદના સુંદરગઢ ખાતે વિશ્વકર્મા મહાપુરાણ કથા યોજાશે
SHARE
JOIN OUR GROUP
મોરબીના સામાકાંઠે ભાગવત જ્ઞાનયજ્ઞ તેમજ હળવદના સુંદરગઢ ખાતે વિશ્વકર્મા મહાપુરાણ કથા યોજાશે
મોરબીના સામાકાંઠા વિસ્તારમાં આવેલી મહેન્દ્રસિંહજી હોસ્પિટલ પાસે આવેલ લક્ષ્મીનારાયણ સોસાયટી ખાતે ભાગવત જ્ઞાનયજ્ઞનું આયોજન કરવામાં આવ્યું છે.કથાના વક્તા તરીકે મોરબીના પ્રસિદ્ધ ભાગવતાચાર્ય કથાકાર શાસ્ત્રી કૃષ્ણચંદ્ર દિલીપભાઈ દવે(સંસ્કૃત વિશારદ) બિરાજશે.
જેમાં કથા પ્રારંભ વિ.સંવત ૨૦૮૦ ને માગશર સુદ ૭ ને તા.૧૯-૧૨ ને મંગળવાર થી માગશર સુદ ૧૪ ને સોમવારે તા.૨૫-૧૨ ના રોજ કથા વિરામ થશે.કથા દરમિયાન વિવિધ ધાર્મિક પ્રસંગો જેમ કે શ્રીમદ ભાગવત માહાત્મય, સાંખ્યોપ્દેશ, કપિલ પ્રાગટ્ય, નરસિંહ પ્રાગટ્ય, વામન પ્રાગટ્ય, શ્રી રામ જન્મ, શ્રીકૃષ્ણ જન્મ, ગોવર્ધન પૂજા, રૂક્ષ્મણી વિવાહ, શ્રી સુદામાચરિત્ર, પરીક્ષિત મોક્ષ જેવા પાવન પ્રસંગો ધામધૂમથી ઉજવાશે.તેમજ કથા સમય બપોરે ૨ થી ૬ વાગ્યા સુધીનો રહેશે.આ કથામાં કોઈ યજમાનોએ પોતાના પિતૃઓના ફોટા રાખી પૂજન વિધિનો લાભ લેવો હોય તો મો.૮૦૦૦૯ ૧૧૪૪૪ ઉપર શાસ્ત્રીજીનો સંપર્ક કરવા જણાવાયેલ છે.કથા શ્રવણ માટે મોરબીવાસીઓને જાહેર આમંત્રણ આપવામાં આવેલ છે.
જયારે હળવદ ખાતે શ્રી વિશ્વકર્મા મહાપુરાણ કથા યોજાશે.મોરબી જિલ્લાના હળવદ તાલુકા ખાતે શ્રી વિશ્વકર્મા મહાપુરાણ કથાનું ભવ્ય આયોજન કરવામાં આવ્યું છે.ત્યારે હરિહર ગૌશાળાના પરમ પૂજ્ય સંત હરિહર બાપુ અને તેમના શિષ્ય ભીમદાસ બાપુના સહયોગથી આવતી કાલ તા.૨૮-૧૧ થી આ કથાનો પ્રારંભ થવા જઇ રહ્યો છે.હળવદના સુંદરગઢ શિરોઈ ખાતે આ ભવ્ય કથાનું આયોજન કરવામાં આવેલ છે.શીસ્ત્રી જયંતીભાઈ આ કથાનું રસપાન કરાવશે. સર્વે વિશ્વકર્મા જ્ઞાતિ પરિવાર આ કથાના આયોજન માટે જહેમત ઉઠાવી રહ્યો છે.ઉપરાંત કથા દરમિયાન તા.૩-૧૨ ના રોજ ભવ્ય સંતવાણી અને લોક ડાયરાનું પણ આયોજન કરવામાં આવ્યું છે.તેમજ તા.૪-૧૨ ના રોજ કથાની પૂર્ણાહુતિ થશે તો કથાનું શ્રાવણ કરવા તમામ ધર્મપ્રેમી જનતાને જાહેર આમંત્રણ પાઠવવામાં આવ્યું છે.
