મોરબીમાં યુવાને મસ્તી કરવાની ના કહેતા તેને લાકડી વડે માર માર્યો: ગુનો નોંધાયો

મોરબી શહેરના વીસીપરા વિસ્તારમાં આવેલ રોહીદાસપરામાં યુવાનની મશ્કરી કરી રહેલા શખ્સને  મસ્તી કરવાની ના પાડી હતી જે બાબતે તેને સારું નથી લાગતા તેને ગાળો આપીને લાકડી વડે યુવાનને ડાબા હાથમાં માર માર્યો હતો અને ટચલી આંગળીમાં ફેક્ચર જેવી ઇજા કરી હતી તેમજ જાનથી મારી નાખવાની ધમકી આપી હતી જેથી ભોગ બનેલા યુવાને સારવાર લીધા બાદ હાલમાં મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ મોરબીના રોહીદાસપરામાં દશામાના મંદિરની પાછળના ભાગમાં રહેતા પુરુષોત્તમભાઈ હીરાભાઈ ચાવડા (૪૦) એ હાલમાં મોરબી બી ડિવિઝન પોલીસ સ્ટેશન ખાતે કિશોરભાઈ મૂળજીભાઈ સારેસા રહે. રોહીદાસપરા મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, હનુમાનજીની દેરી પાસે ફરિયાદી હાજર હતા ત્યારે તેની આરોપી કિશોરભાઈ મજાક મસ્તી કરતાં હતા જેથી તેને મસ્તી કરવાની ના પાડી હતી જે બાબતને લઈને તે ઉશ્કેરાઈ હતા હતા અને તેણે ગાળો આપીને લાકડી વડે યુવાનને માર માર્યો હતો જેથી કરીને યુવાનને ડાબા હાથની આંગળીમાં ફ્રેક્ચર જેવી ઈજા થઈ હતી અને તેને જાનથી મારી નાખવાની ધમકી પણ આપી હતી જેથી કરીને ભોગ બનેલા યુવાન દ્વારા સારવાર લેવામાં આવ્યા બાદ આ બનાવ સંદર્ભે મોરબી બી ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે