ટંકારાના મીતાણા પાસે કાર ચાલકે હડફેટે લેતા પગપાળા જતાં વૃદ્ધનું મોત: ગુનો નોંધાયો
Morbi Today
મોરબી નજીકથી બોલેરોમાં ચોરખાના બનાવીને દારૂની હેરફેરીનો પર્દાફાશ: ૬.૨૬ લાખનો મુદામાલ કબ્જે
SHARE
JOIN OUR GROUP
મોરબી નજીકથી બોલેરોમાં ચોરખાના બનાવીને દારૂની હેરફેરીનો પર્દાફાશ: ૬.૨૬ લાખનો મુદામાલ કબ્જે
મોરબી જિલ્લા એલસીબીની ટીમ પેટ્રોલીંગમાં હતી ત્યારે મોરબીના જાંબુડિયા પાસે આવેલ નવી આરટીઓ ઓફિસ સામેથી પસાર થઈ રહેલ બોલેરો ગાડીને રોકીને ચેક કરી હતી ત્યારે તે ગાડીમાં બનાવવામાં આવેલ ચોરખાનામાંથી દારૂની ૧૭૨ બોટલ મળી આવી હતી જેથી કરીને દારૂ અને ગાડી મળીને પોલીસે ૬.૨૬ લાખનો મુદામાલ કબ્જે કરીને એક આરોપીની ધરપકડ કરેલ છે અને વધુ એકનું નામ સામે આવ્યું હોવાથી તેને પકડવા માટે તજવીજ શરૂ કરી છે
જાણવા મળતી માહિતી મુજબ મોરબી એલસીબી ટીમે મોરબીના જાંબુડિયા પાસે આવેલ નવી આરટીઓ ઓફિસ સામે રોડ ઉપરથી જઇ રહેલ બોલેરો ગાડીને રોકી હતી અને ચેક કરી હતી ત્યારે તે ગાડીમાં બનાવવામાં આવેલ ચોરખાનામાંથી દારૂની ૧૭૨ બોટલ મળી આવી હતી જેથી કરીને પોલીસે ૧,૨૬,૧૬૦ નો દારૂ તેમજ પાંચ લાખની ગાડી આમ કુલ મળીને ૬,૨૬,૧૬૦ નો મુદામાલ કબજે કરેલ છે અને આરોપી બોલેરો ચાલક દશરથભાઈ હરકનભાઈ રબારી (૨૬) રહે. રામપુરા છોટા, તાલુકો ધાનેરા જિલ્લો બનાસકાંઠા વાળાની ધરપકડ કરેલ છે અને રાજુભાઇ રહે. રાનીવાડા રાજસ્થાન વાળાનું નામ સામે આવેલ છે જેથી તેની સામે પણ ગુનો નોંધીને તેને પકડવા માટે તજવીજ શરૂ કરી છે હાલમાં મોરબી તાલુકા પોલીસ સ્ટેશન ખાતે ગુનો નોંધીને દારૂ અને આરોપી ત્યાં સોપવામાં આવેલ છે
આરોપી પકડાયો
મોરબી તાલુકા પોલીસ મથકના એનડીપીએસના ગુન્હામાં છેલ્લા ૯ મહિનાથી આરોપી નાસતો ફરતો હતી જે આરોપી મોરબી રવિરાજ ચોકડી પાસે આવ્યો હોવાની એસઓજીની ટીમને હક્કિત મળી હતી જેના આધારે પોલીસે ત્યાંથી આરોપી કરશનભાઇ ભીખાભાઇ વાઘેલા (૩૪) રહે. ચિભડા તાલુકો દિયોદર જિલ્લો બનાસકાંઠા વાળાની ધરપકડ કરેલ છે અને આરોપીને મોરબી તાલુકા પોલીસ સ્ટેશને સોપવામાં આવેલ છે
