મોરબી-હળવદ શહેરમાંથી એક-એક બાઈકની ચોરી
SHARE
JOIN OUR GROUP
મોરબી-હળવદ શહેરમાંથી એક-એક બાઈકની ચોરી
મોરબીના સનાળા રોડ ઉપર આવેલ નવા બસ સ્ટેશનમાં પ્લેટ ફોર્મ નં-૩ અને ૪ પાસે પાર્ક કરેલા બાઇકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાન દ્વારા મોરબી એ ડિવિઝન પોલીસ સ્ટેશન ખાતે ૪૦ હજાર રૂપિયાની કિંમતના બાઇકની ચોરી થયેલ હોવાની ફરિયાદ નોંધાવવામાં આવી છે જેના આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબીના સનાળા રોડ ઉપર આવેલ છાત્રાલય રોડ પાસે કુબેર એપાર્ટમેન્ટ બ્લોક નં-૬૦૧ માં રહેતા હેપીભાઈ નાનજીભાઈ ગડારા જાતે પટેલ (૨૭)એ અજાણ્યા શખ્સની સામે મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યુ છે કે, મોરબીના સનાળા રોડ ઉપર આવેલ નવા બસ સ્ટેશનના પ્લેટફોર્મ નંબર ત્રણ અને ચારની વચ્ચે પાર્કિંગમાં તેણે પોતાનું બાઈક નંબર જીજે ૩૬ ઇ ૭૪૨૦ પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ૪૦,૦૦૦ ની કિંમતના બાઈકની ચોરી થઈ હોવા અંગેની ભોગ બનેલા યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બાઇક ચોરી
હળવદમાં દેના બેન્ક પાસે આવેલ નીલકંઠ ઝેરોક્ષની દુકાન સામે નવા વેગડવાઓ ગામે રહેતા અને ખેતી કામ કરતા હસમુખભાઈ ધરમશીભાઈ કંઝારીયા જાતે દલવાડી (૩૮)એ પોતાનું બાઈક નંબર જીજે ૧૩ એ ૦૯૬૬ પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી દસ હજાર રૂપિયાની કિંમતના બાઈકની અજાણ્યા શખ્સ દ્વારા ચોરી કરવામાં આવી હોવાથી ભોગ બનેલા યુવાન દ્વારા હળવદ તાલુકા પોલીસ સ્ટેશન ખાતે ચોરીની ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે
