મોરબીના સામાકાંઠે રહેતી મહિલાએ આત્યાંત્રિક પગલું ભરી લેતા રાજકોટ ખસેડાઇ
Morbi Today
રાહુલ ગાંધીની સજા ઉપર સુપ્રીમે રોક લગાવતા મોરબી જિલ્લા કોંગ્રેસે કરી આતિશબાજી
SHARE
JOIN OUR GROUP
રાહુલ ગાંધીની સજા ઉપર સુપ્રીમે રોક લગાવતા મોરબી જિલ્લા કોંગ્રેસે કરી આતિશબાજી
માનહાનિ કેસમાં રાહુલ ગાંધીને સુપ્રીમ કોર્ટમાંથી મોટી રાહત મળી છે. મોદી સરનેમ કેસમાં રાહુલ ગાંધીની સજા પર સુપ્રીમ કોર્ટે રોક લગાવી દીધી છે. અત્રે ઉલેખનીય છે કે, વર્ષ ૨૦૧૯ માં મોદી અટકને લઈને રાહુલ ગાંધીએ આપેલા નિવેદન બદલ સુરતની સેશન કોર્ટે તેમને બે વર્ષની સજા ફટકારી હતી. જેની સામે તેમણે ગુજરાત હાઈકોર્ટમાં પણ અપીલ કરી હતી. જોકે, હાઈકોર્ટે પણ તેમની અપીલ રદ્દ કરી દીધી હતી. ત્યાર બાદ રાહુલ ગાંધીને સુપ્રીમ કોર્ટનો દરવાજો ખખડાવવો પડ્યો હતો અને સુપ્રીમ કોર્ટમાંથી રાહુલ ગાંધીને મોટી રાહત મળી છે ત્યારે મોરબી જિલ્લા કોંગ્રેસનાં પ્રમુખ જયંતીભાઈ પટેલની આગેવાની હેઠળ મોરબીના શનાળા રોડે સરદાર વલ્લ્ભભાઈ પટેલની પ્રતિમા પાસે કોંગ્રેસ દ્વારા સત્ય મેવ જયતે ના નારા લગાવીને આતિશબાજી કરવામાં આવી હતી ત્યારે મહેશભાઇ રાજ્યગુરુ, કે.ડી. પડ્સુંબિયા, રામભાઇ રબારી, રમેશભાઈ રબારી, ભૂપતભાઇ ગોધાણી, અલ્પેશભાઇ કોઠીયા, દેવેન્દ્રસિંહ જાડેજા, એલ.એમ. કંઝારીયા, લલિતભાઈ કસૂન્દ્રા, દિલીપભાઇ સરડવા, ચિરાગભાઈ રાચ્છ, અશ્વિનભાઈ વિડ્જા, આબિદભાઈ ગઢવાલા, ધર્મેન્દ્રભાઈ વિડ્જાજુમાભાઇ સુમરા, રાવજીભાઇ સોલંકી સહિતના આગેવાનો હાજર રહ્યા હતા
