વાંકાનેર સિપાઈ સમાજ દ્વારા બાળ રોજેદાર-વિદ્યાર્થીઓનું સન્માન કરવામાં આવ્યું
Morbi Today
મોરબીના અશોકકુમાર કાંજીયાને ગીજુભાઈ બધેકા રાષ્ટ્રીય શિક્ષક એવોર્ડ એનાયત
SHARE
JOIN OUR GROUP
મોરબીના અશોકકુમાર કાંજીયાને ગીજુભાઈ બધેકા રાષ્ટ્રીય શિક્ષક એવોર્ડ એનાયત
સ્કૂલ એકેડેમી કેરાલા અને ટીમ મંથન ગુજરાત દ્વારા દર વર્ષે સમગ્ર ભારતમાંથી શિક્ષણક્ષેત્રે નાવીન્યપૂર્ણ કામ કરતા, નોવેટીવ તેમજ અનેક વિવિધ પ્રકારની અભ્યાસિક અને સહઅભ્યાસિક પ્રવૃત્તિઓ કરતા અને બાળકોના વિકાસ માટે સતત કાર્યરત શિક્ષકોની પસંદગી કરી “ગિજુભાઈ બધેકા રાષ્ટ્રીય શિક્ષક સન્માન” એવોર્ડએનાયત કરવામાં આવે છે. ત્યારે વર્ષ ૨૦૨૨/૨૩ માટે આ એવોર્ડ સન્માન કાર્યક્રમ ગોગાઢાણી પ્રાથમિક શાળા (બનાસકાંઠા-ગુજરાત) ખાતે આયોજન કરવામાં આવ્યુ હતું. જેમા સમગ્ર ભારતમાંથી ૧૧૦ જેટલા શિક્ષકોનીપસંદગી કરવામાં આવી હતી. જેમાં મોરબી જિલ્લામાંથી નાની વાવડી કુમાર પ્રાથમિક શાળાના ઇનોવેટીવ શિક્ષક અશોકકુમાર મહાદેવભાઈ કાંજીયાની આ એવોર્ડમાટે પસંદગી કરવામાં આવી હતી. તેઓએ કોરોના સમયે બાળકો ઓનલાઇન શિક્ષણની સાથે સાથે જાતે જ સ્વમૂલ્યાંકન કરી શકે એ માટે ધોરણ ૩ થી ૮ ના અભ્યાસક્રમ આધારિત નિયમિત રીતે ઓનલાઇન ટેસ્ટબનાવેલ હતી જેમાં મોરબી જિલ્લા ઉપરાંત ગુજરાતનાં ૨૪ જિલ્લાના બાળકો ટેસ્ટ આપી પોતાનું સ્વમૂલ્યાંકન કરતા હતા. અત્રે ઉલેખનીય છે કે, શિક્ષણ ક્ષેત્રે તેઓએ આ અગાઉ પણ જુદાજુદા ઘણા એવોર્ડ અને સન્માન મેળવી ચુક્યા છે
