મોરબીમાં ૩૨.૭૦ લાખના દારૂના કેસમાં સસ્પેન્ડ થયેલ બે પીએસઆઈની અમદાવાદ-ગોધરા બદલી

મોરબી નજીક આવેલ ગોડાઉનમાં સ્ટેટ મોનીટરીંગ સેલની ટીમે રેડ કરી હતી ત્યારે ૩૨.૭૦ લાખનો દારૂનો જથ્થો મળી આવ્યો હતો અને ૧૩ શખ્સોની સામે મોરબીના એ ડીવીઝન પોલીસ સ્ટેશને ગુનો નોંધાયો હતો જેથી ડીજીપી આશિષ ભાટિયા દ્વારા મોરબી એ ડીવીઝન પોલીસના બે પીએસઆઈને સસ્પેન્ડ કરવામાં આવ્યા હતા તે બંને પીએસઆઈની હાલમાં બદલી કરવામાં આવી છે.

જાણવા મળતી માહિતી મુજબ મોરબીના રાજપર રોડે ગોડાઉનમાં ગત તા.૧૮/૭/૨૦૨૨ ના રોજ સ્ટેટ મોનીટરીંગ સેલની રેડ પડી હતી ત્યારે ૩૨.૭૦ લાખનો દારૂનો જથ્થો મળી આવ્યો હતો અને ૧૩ શખ્સોની સામે મોરબીના એ ડીવીઝન પોલીસ સ્ટેશને ગુનો નોંધાયો હતો જેથી કરીને મોરબી એ ડિવિઝનના ડીસ્ટાફ પીએસઆઇ એસ.એમ. રાણા અને પીએસઆઇ એ.એ. જાડેજાને સસ્પેન્ડ કરવામાં આવેલ હતા આ બંને પીએસઆઈની બદલી કરવામાં આવી છે અને પીએસઆઈ એસ.એમ. રાણાને અમદાવાદ ગ્રામ્ય તેમજ એ.એ. જાડેજાને ગોધરા ખાતે મૂકવામાં અવલે છે