મોરબીના કારખાનેદાર સાથે રાજકોટના શખ્સે કરી ૧૦.૩૮ લાખની છેતરપિંડી
SHARE
JOIN OUR GROUP
મોરબીના કારખાનેદાર સાથે રાજકોટના શખ્સે કરી ૧૦.૩૮ લાખની છેતરપિંડી
મોરબી તાલુકાના બગથળા ગામ પાસે ટેક્સા પ્લાસ્ટવુડ નામનું કારખાનું ધરાવતા યુવાને રાજકોટના લોધિકા ઇન્ડસ્ટ્રીયલ વિસ્તારમાં આવેલ હરી એન્ટરપ્રાઇઝ નામની પેઢી ચલાવતા શખ્સ પાસેથી પીવીસી પ્લાસ્ટિકની સીટ બનાવવા પાવડરની ખરીદીનો ઓર્ડર આપ્યો હતો અને તેના માટે થઈને ૧૦,૩૮,૪૦૦ રૂપિયા આપ્યા હતા જો કે, ઓર્ડર મુજબનો માલ ન આપીને તથા પૈસા પાછા ન આપીને યુવાનની સાથે છેતરપિંડી અને વિશ્વાસઘાત કરવામાં આવેલ છે જેથી હાલમાં ભોગ બનેલા યુવાને મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે.
બનાવની જાણવા મળતી માહિતી મુજબ મોરબી તાલુકાના બગથળા ગામે આરડીસી બેંકવાળી શેરીમાં રહેતો અને બગથળાથી માણેકવાડા ગામ તરફ જવાના રસ્તા ઉપર ટેક્સા પ્લાસ્ટવુડ નામનું કારખાનું ધરાવતા ગૌરવભાઈ ગોપાલભાઈ ઠોરિયા જાતે પટેલ (૨૪) એ હાલમાં રાજકોટના લોધિકા ઇન્ડસ્ટ્રીયલ રાવકી આર.એસ.એન પ્લોટ નંબર ૨૩, સબ પ્લોટ નંબર ૨૩/૧ ખાતે હરી એન્ટરપ્રાઇઝ નામે પેઢી ચલાવતા પરાગકુમાર માધાભાઈ ભંડેરી સામે મોરબી તાલુકા પોલીસ સ્ટેશન ખાતે છેતરપિંડી અને વિશ્વાસઘાતની ફરિયાદ નોંધાવી છે જેમાં તેને જણાવ્યું છે કે, ગત ફેબ્રુઆરી મહિનાની ૨૮ તારીખે તેને આરોપી પાસેથી પીવીસી પ્લાસ્ટિકની સીટ બનાવવા પાવડરનો ૧૦,૩૮,૪૦૦ નો ઓર્ડર આપ્યો હતો અને ઓર્ડર મુજબનો માલ આરોપીએ મોકલાવ્યો ન હતો તેમજ પૈસા પાછા આપ્યા ન હતા જેથી ભોગ બનેલા યુવાન દ્વારા હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.
