હળવદના વડનગર વિસ્તારમાં ઘરમાંથી ત્રણ તોલા સોનાના દાગીનાની ચોરી
Morbi Today
ટંકારાની સેવક ઓઇલ ઇન્ડસ્ટ્રીઝમાંથી રાજસ્થાન મોકલાયેલ ખોળની ૭૩૦ બોરી ચાઉ !: ૧૦.૫૨ લાખની છેતરપિંડી
SHARE
JOIN OUR GROUP
ટંકારાની સેવક ઓઇલ ઇન્ડસ્ટ્રીઝમાંથી રાજસ્થાન મોકલાયેલ ખોળની ૭૩૦ બોરી ચાઉ !: ૧૦.૫૨ લાખની છેતરપિંડી
ટંકારા નજીક આવેલ ઓઇલ ઇન્ડસ્ટ્રીઝના કારખાનામાંથી કપાસિયા ખોળની ૭૩૦ બોરીઓ ટ્રકમાં ભરીને રાજસ્થાન મોકલાવવામાં આવી હતી જોકે જે ટ્રકમાં માલ ભરીને મોકલવામાં આવ્યો હતો તે માલ પાર્ટી સુધી પહોંચાડવામાં આવ્યો નથી જેથી કરીને ભોગ બનેલા કારખાનેદાર દ્વારા ટ્રકના ચાલકની સામે ૧૦,૫૨,૫૬૭ રૂપિયાના માલની છેતરપિંડી કરવામાં આવી હોવાની ફરિયાદ નોંધાવવામાં આવતા પોલીસે ટ્રક ડ્રાઇવર સામે ગુનો નોંધી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના રવાપર રોડ ઉપર આવેલ આઈકોન રેસિડેન્સીમાં રહેતા અતુલભાઇ બાબુભાઈ કોટડીયા જાતે પટેલ (૩૨) એ હાલમાં ટ્રક નં આરજે ૧૪ જીજી ૯૦૯૦ ના ચાલક દિનેશ ગણેશરામ બાંગરા રહે હીરાસણી રાજસ્થાન વાળાની સામે છેતરપિંડી, ઠગાઈ અને વિશ્વાસઘાતની ફરિયાદ નોંધાવેલ છે જેમાં તેને જણાવ્યુ છે કે, ગત તા. ૧૨/૩/૨૦૨૩ ના રોજ બપોરે ૩:૩૦ વાગ્યાની આસપાસ તેઓના ટંકારા પાસે આવેલ સેવક ઓઇલ ઇન્ડસ્ટ્રીઝ નામની કારખાનામાંથી કપાસિયા ખોળની ૭૩૦ બોરી જેનું વજન ૩૫૦૪૦ કિલો ટ્રકમાં ભરીને રાજસ્થાન શ્રી ભગવતી ટ્રેડર્સ ભાદરા જીલ્લો હનુમાનગઢ રાજસ્થાન ખાતે પહોંચાડવા માટે રવાના કરવામાં આવી હતી જોકે, ચાર દિવસે જે માલ પહોચી જવો જોઈએ તે હજુ સુધી ત્યાં પહોંચ્યો ન હોવાથી ૧૦,૫૨,૫૬૭ રૂપિયાના માલની છેતરપિંડી, ઠગાઈ અને વિશ્વાસઘાત થયો હોવા અંગેની હાલમાં કારખાનેદાર દ્વારા ટ્રકના ડ્રાઇવર સામે ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે આઈપીસી કલમ ૪૦૬, ૪૨૦ અને ૪૦૮ મુજબ ગુનો નોંધી આગળની રાબેતા મુજબની કાર્યવાહી હાથ ધરી છે
