મોરબીમાં બંધ કાર પાછળ એક્ટિવા અથડાવીને માથાકૂટ કરી યુવાનને બચકું ભરી લીધું !: બે સામે ફરિયાદ
Morbi Today
મોરબીના યમુનાનગરમાં ઘરમાંથી ૨૦ બોટલ દારૂ સાથે એક પકડાયો, એકની શોધખોળ
SHARE
JOIN OUR GROUP
મોરબીના યમુનાનગરમાં ઘરમાંથી ૨૦ બોટલ દારૂ સાથે એક પકડાયો, એકની શોધખોળ
મોરબીના નવલખી રોડ ઉપર આવેલી યમુનાનગર સોસાયટીમાં રહેણાંક મકાનમાં દારૂની રેડ કરવામાં આવી હતી ત્યારે ઘરમાંથી દારૂની ૨૦ બોટલ મળી આવતા પોલીસે ૯૩૨૦ ની કિંમતના દારૂના જથ્થા સાથે એક આરોપીની ધરપકડ કરેલ છે અને તેની પાસેથી દારૂ આપનારનું નામ સામે આવ્યું હોય તેની સામે પણ ગુનો નોંધી બી ડિવિઝન પોલીસે આગળની કાર્યવાહી હાથ ધરી છે
જાણવા મળતી માહિતી મુજબ મોરબીના નવલખી રોડ ઉપર આવેલ યમુના નગર સોસાયટી શેરી નં-૪ માં રહેતા આનંદ ઉર્ફે લાલાભાઇના ઘરની અંદર દારૂનો જથ્થો હોવાની મોરબી એલસીબીની ટીમને બાતમી મળી હતી જેના આધારે એલસીબીની ટીમ દ્વારા તેના ઘરની અંદર દારૂની રેડ કરવામાં આવતા ઘરમાંથી દારૂની ૨૦ બોટલ મળી આવી હતી જેથી પોલીસે ૯૩૨૦ ની કિંમતની દારૂની બોટલો સાથે આનંદભાઈ ઉર્ફે લાલાભાઇ દામોદરભાઈ રાયગગલા જાતે ભાટિયા (૪૩) રહે યમુનાનગર સોસાયટી શેરી નં-૪ મૂળ રહે. વાઘપરા શેરી નં-૯ મોરબી વાળાની ધરપકડ કરી હતી અને આ શખ્સ પાસેથી મળી આવેલ દારૂની બોટલો તે સાહિલ સિદ્દીકભાઈ ચાનીયા રહે. વાઘપરા મોરબી વાળા પાસેથી પોતાના ઘરે લઈને આવ્યો હોવાનું સામે આવતા પોલીસે આનંદભાઈ ઉર્ફે લાલાની ધરપકડ કરી છે અને સાહિલભાઈ ચાનિયા સામે ગુનો નોંધી તેને પકડવા માટે તજવીજ શરૂ કરેલ છે
વરલી જુગાર
મોરબીના જુના બસ સ્ટેશન પાસે એનટી પાન નજીક જાહેરમાં વરલી જુગારના આંકડા લેવામાં આવતા હોવાની બાતમી મળી હતી જેના આધારે એ ડિવિઝન પોલીસની ટીમ દ્વારા ત્યાં જુગારની રેડ કરવામાં આવતા સ્થળ ઉપરથી શિવલાલ નારણભાઈ દેત્રોજા જાતે પટેલ (૭૦) રહે. રવાપર રોડ બોનીપાર્ક બંધન એપાર્ટમેન્ટ ફ્લેટ નં-૧૦૩ વાળા વરલી જુગારના આંકડા લેતા મળી આવ્યા હોય પોલીસે તેની પાસેથી ૧૦૫૦૦ નો મુદ્દામાલ કબજે કર્યો હતો અને તેની સામે એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે
