હળવદ નજીક બોલેરોના ચાલકે બાઇકને ટક્કર મારતા દંપતી ખંડિત: મહિલાનું મોત, પતિ સારવારમાં
SHARE
JOIN OUR GROUP
હળવદ નજીક બોલેરોના ચાલકે બાઇકને ટક્કર મારતા દંપતી ખંડિત: મહિલાનું મોત, પતિ સારવારમાં
હળવદ ધાંગધ્રા હાઇવે ઉપર માર્કેટયાર્ડથી આગળના ભાગમાં જેટકોના સબ સ્ટેશન પાસે બોલેરોના ચાલકે ડબલ સવારી બાઇકને પાછળથી ટક્કર મારી હતી જેથી કરીને બાઈક ઉપર જઈ રહેલ દંપતિ રસ્તા ઉપર નીચે પટકાતા મહિલાને કપાળે અને પેટના ભાગે ગંભીર ઇજા થતાં તેનું મોત નીપજયું હતું અને તેના પતિને ઇજાઓ થઈ હોવાથી તેને સારવાર માટે હોસ્પિટલમાં લઈને આવ્યા હતા હાલમાં અકસ્માત મૃત્યુના આ બનાવવામાં મૃતક મહિલાના દીકરાની ફરિયાદ લઈને બોલેરોના ચાલક સામે ગુનો નોંધી હળવદ તાલુકા પોલીસે આગળની કાર્યવાહી હાથ ધરી છે
બનાવની જાણવા મળતી માહિતી મુજબ હળવદ તાલુકાના રાણેકપર ગામે રહેતા રાયસંગભાઈ સવસીભાઈ સીપરા અને તેના પત્ની જયાબેન રાયસંગભાઈ સિપરા બાઈક ઉપર હળવદ ધાંગધ્રા હાઈવે ઉપર આવેલ માર્કેટયાર્ડથી આગળના ભાગમાં જેટકોના સબ સ્ટેશન પાસેથી પસાર થઈ રહ્યા હતા ત્યારે બોલેરો ગાડી નંબર એમએચ ૫ એઝેડ ૦૦૯૦ ના ચાલકે પાછળથી રાયસંગભાઈના બાઇકને ટક્કર મારી હતી જેથી કરીને અકસ્માતનો બનાવ બન્યો હતો અને ત્યારે રાયસંગભાઈ તથા જયાબેન રસ્તા ઉપર નીચે પટકાતા જયાબેનને કપાળ અને પેટના ભાગે ગંભીર ઇજા થયેલ હોવાથી તેનું મોત નીપજ્યું હતું અને રાયસંગભાઈને હાથે, પગે અને માથામાં ઈજા થઇ હોવાથી તેને સારવાર માટે હોસ્પિટલમાં લાવ્યા હતા હાલમાં અકસ્માત મૃત્યુના આ બનાવ સંદર્ભે મૃતક જયાબેનના દીકરા રજનીભાઈ રાયસંગભાઈ સીપરા જાતે કોળી (૨૧) રહે રાણેકપર તાલુકો હળવદ વાળાએ ફરિયાદ નોંધાવતા પોલીસે બોલેરો ગાડીના ચાલક સામે ગુનો નોંધીને આગળની રાબેતા મુજબની કાર્યવાહી હાથ ધરી છે
