ગુજરાત પોલીસનું ગૌરવ: મોરબીની મહિલા કોન્સટેબલ ભૂમિકા એવરેસ્ટ સર કરવા સજ્જ
SHARE
JOIN OUR GROUP
ગુજરાત પોલીસનું ગૌરવ: મોરબીની મહિલા કોન્સટેબલ ભૂમિકા એવરેસ્ટ સર કરવા સજ્જ
મોરબીની ભૂમિ એટલે બહુ રત્ના વસુંધરા. આ ભૂમિમાં એવું સત્વ અને તત્વ પડેલું છે કે લોકો કંઈકને કંઈક નવું નવું સાહસ કરતા રહેતા હોય છે ત્યારે ગુજરાત પોલીસનું ગૌરવ અને પહાડોની પરી ભૂમિકા ભૂતની વાત કરીએ તો હવે તેને આગામી દિવસોમાં એવરેસ્ટ સર કરવા માટેની તૈયારીઓ શરૂ કરી દીધી છે
મોરબી જીલ્લામાં પોલીસ વિભાગમાં ફરજ બજાવતા ભૂમિકા ભૂતનો જન્મ મોરબીના ચાંચાપર ગામે થયો છે અને તેના પિતા દુર્લભજીભાઈ ભૂત એક ખેડૂત હોય ખેડૂત પરિવારમાં જન્મેલી દીકરી અન્ય દીકરીઓ માટે પ્રેરણાસ્ત્રોત છે, બી.એસ.સી. બી.ફાર્મ સુધીનો અભ્યાસ કરી, તેઓ આરોગ્ય વિભાગમાં જોડાવવાના બદલે નાનપણથી જ ખાખી વરદી પ્રત્યે લગાવ હોય પોલીસ વિભાગમાં જોડાયા, એમને ગિરનાર આરોહણ અવરોહણ સ્પર્ધાથી સ્પોર્ટ્સની શરૂઆત કરી ગિરનારથી માંડી પોલીસ ડીજીપી કપ, ઓલ ઈન્ડિયા એથ્લેટીક્સ, ખેલ મહાકુંભ,મેરોથોન જેવી દોડ સ્પર્ધામાં ૨૬ જેટલા ગોલ્ડ મેડલ મેળવ્યા છે અને હમણાં જ જેમને વિશ્વનું આઠમા નંબરનું માઉન્ટ મનાસલુંનું આરોહણ કર્યું છે અને હવે તેઓ વિશ્વના સૌથી ઉંચા શિખર માઉન્ટ એવરેસ્ટને સર કરવા સજ્જ બન્યા છે
ભૂમિકા માટે સોને મઢેલી પોલીસ વુમન, મૌતના પહાડ મનાલુ સર કરનાર, ગિરનાર આરોહણ અવરોહણ ચેમ્પિયન, ગોલ્ડન ડોટર ઓફ સિરામિક સીટી, સ્વયંસિદ્ધા,કર્મવીર જેવા સન્માન પ્રાપ્ત કરનાર ભુમિકાએ તેની સફરને હૈયું,હામને હિમાલય પુસ્તકમાં ઉતારી છે અને હવે તે આગામી ૨૫ મી માર્ચ ૨૦૨૩ થી વિશ્વના સૌથી ઉંચા શિખર માઉન્ટ એવરેસ્ટને સર કરવા જવાની છે ત્યારે રાજ્યના ગૃહ વિભાગ, મોરબી પોલીસ ડિપાર્ટમેન્ટ અને મોરબી સિરામિક એસો. દ્વારા તેમને આર્થિક મદદ સહિતનો સહયોગ આપવામાં આવશે
