મોરબીના ઊંચી માંડલ પાસે સીરામીક કારખાનામાં લેબર કવાર્ટરના ત્રીજા માળેથી યુવાને લગાવી મોતની છલાંગ
SHARE
JOIN OUR GROUP
મોરબીના ઊંચી માંડલ પાસે સીરામીક કારખાનામાં લેબર કવાર્ટરના ત્રીજા માળેથી યુવાને લગાવી મોતની છલાંગ
મોરબીના હળવદ રોડ ઉપર આવેલ ઊંચી માંડલ ગામ પાસે સિમેરો સીરામીક કારખાનામાં કામ કરતા અને ત્યાં લેબર કવાર્ટરમાં રહેતા યુવાને લેબર ક્વાર્ટરના ત્રીજા માળેથી નીચે છલાંગ લગાવી હતી જેથી ગંભીર રીતે ઈજા થઈ હોવાથી તે યુવાનનું મોત નીપજ્યું હતું ત્યારબાદ તેના મૃતદેહને મોરબીની સિવિલ હોસ્પિટલ ખાતે લઈને આવ્યા હતા અને આપઘાતના આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી તાલુકાના ઉંચી માંડલ ગામ પાસે આવેલ સિમેરો સિરામિક કારખાનાના લેબર કવાર્ટરમાં રહેતો અને ત્યાં મજૂરી કામ કરતો મૂળ એમપીનો રહેવાસી યુવાન સત્યમ અજબસિંગ યાદવ (૨૩) લેબર ક્વાર્ટરમાં હતો ત્યારે લેબર કવાર્ટરના ત્રીજા માળેથી તેને કોઈ કારણોસર નીચે છલાંગ લગાવી હતી જેથી તેને ગંભીર ઇજાઓ થઈ હોવાથી તેને સારવાર માટે પિયુષભાઈ આચાર્ય રહે. નીલકંઠ સોસાયટી મોરબી વાળા લઈને સિવિલ હોસ્પિટલ ખાતે આવ્યા હતા જ્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને આ બનાવ અંગે હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને યુવાને ક્યાં કારણોસર આપઘાત કર્યો છે તે દિશામાં હાલમાં પોલીસે તપાસ શરૂ કરી હોવાનું જાણવા મળ્યું છે
