મોરબીના લાતી પ્લોટમાં ઓફિસમાં જુગાર રમતા ૧૦ ઝડપાયા : ૭.૦૨ લાખનો મુદામાલ કબજે
Morbi Today
મોરબીમાં મહિલાએ એડવોકેટને ઝાપટ મારીને આપી જાનથી મારી નાખવાની ધમકી
SHARE
JOIN OUR GROUP
મોરબીમાં મહિલાએ એડવોકેટને ઝાપટ મારીને આપી જાનથી મારી નાખવાની ધમકી
મોરબીના મંગલ ભુવન ચોક પાસે આવેલ બોમ્બે મોબાઈલ નામની દુકાન પાસે એડવોકેટને “તું મારી ગામમાં શું ખોટી વાતો કરે છે” તેમ કહીને મહિલાએ માર માર્યો હતો અને જાનથી મારી નાખવાની ધમકી આપી છે જેથી કરીને હાલમાં ભોગ બનેલા એડવોકેટ દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે મહિલા સામે ગુનો નોંધીને આગળની કાર્યવાહી હાથ ધરી છે.
બનાવની જાણવા મળતી માહિતી મુજબ શહેરના સનાડા રોડ ઉપર સત્યમ પાન વાળી શેરીમાં આવેલ અંજની એપાર્ટમેન્ટના ફ્લેટ નં-૫૦૪ માં રહેતા એડવોકેટ રજાકમીયા અબ્બાસમિયા બુખારી જાતે સૈયદ (૪૬) એ હાલમાં એ ડિવિઝન પોલીસ સ્ટેશન ખાતે રેશમાબેન ગીરીશભાઈ વિડજા રહે. ઉમા વિલેજ સોસાયટી મહેન્દ્રનગર મોરબી વાળીની સામે ફરિયાદ નોંધાવી છે જેમાં તેને જણાવ્યુ છે કે, મોરબીના મંગલ ભુવન ચોક પાસે આવેલ બોમ્બે મોબાઈલ નામની દુકાન પાસેથી તે ઊભા હતા ત્યારે મહિલાએ ત્યાં આવીને “તું મારી ગામમાં શું ખોટી વાતો કરે છે” તેવું કહીને બોલાચાલી કરી હતી અને ભૂંડા બોલી ગાળો આપીને ઝપાઝપી કરી હતી અને પીઠના ભાગે હાથના પંજા અને નખ વડે માર મારીને ઇજા કરી હતી તેમજ ઝાપટ મારી હતી અને જાનથી મારી નાખવાની ધમકી આપી છે જેથી ભોગ બનેલા એડવોકેટ દ્વારા મોરબી સીટી એ ડિવિઝન પોલીસ સ્ટેશન ખાતે હાલમાં ફરિયાદ નોંધાવવામાં આવતા પોલીસે મહિલા સામે ગુનો નોંધીને આગળની કાર્યવાહી હાથ ધરી છે અત્રે ઉલેખનીય છે કે, અગાઉ મહિલાએ એડ્વોકેટની સામે બી ડિવિઝન પોલીસ સ્ટેશને ફરિયાદ નોંધાવી હતી.
