મોરબીમાં બે શોપિંગ સેન્ટરની દુકાનોમાં ચોરી કરનાર આરોપી જેલ હવાલે

મોરબીમાં સિરામિક પ્લાઝા અને શક્તિ ચેમ્બરમાં જુદીજુદી દુકાનોના તાળા તોડીને ચોરીઓ કરવામાં આવી હતી જે ગુનામાં પોલીસે આરોપીને પકડીને તેના રિમાન્ડ મેળવ્યા હતા જે આરોપીના રિમાન્ડ પૂરા થાતાં આરોપીને કોર્ટમાં રજૂ કરીને હાલમાં આરોપીને જેલ હવાલે કરવામાં આવેલ છે

મોરબીના હાઇવે રોડ ઉપર આવેલ સીરામીક પ્લાઝા કોમ્પલેક્ષમાં થોડા દિવસો પહેલા એકીસાથે ૨૦ જેટલી દુકાનના તાળા તૂટ્યા હતા ત્યાર બાદ શક્તિ ચેમ્બર ૧ અને ૨ માં જુદા જુદા વેપારીઓની દુકાનોને તસ્કર દ્વારા નિશાન બનાવવામાં આવી હતી અને એક કે બે નહીં પરંતુ લગભગ ૧૦ કરતાં વધુ દુકાનોના તાળા એક જ રાતમાં તોડવામાં આવ્યા છે આમ એક જ વિસ્તારમાં થોડા દિવસોના અંતરે ૩૦ જેટલી દુકાનોના તાળાં તૂટ્યા હતા જેથી કરીને વેપારીઓ દ્વારા આ બનાવની મોરબી બી ડિવિઝન પોલીસ સ્ટેશને જુદીજુદી બે ફરિયાદ નોંધાવવામાં આવી હતી જેથી કરીને બી ડિવિઝનના પીઆઇ પી.કે. દેકાવાડિયા અને તેની ટિમ દ્વારા આરોપી અમિત ઉર્ફે અનુશેરસિંહ નન્હેલાલ રાવત જાતે આદિવાસી (૨૦) રહે. ખીરીયા થાના નારીયાવલી તાલુકો જીલ્લો સાગર મધ્યપ્રદેશ હાલ રહે. મોરબી વાળાની ધરપકડ કરીને તેને કોર્ટમાં રજૂ કરીને આરોપીના એક દિવસના રિમાન્ડ મેળવ્યા હતા જે રિમાન્ડ પૂરા થતાં આરોપીને હાલમાં જેલ હવાલે કરવામાં આવેલ છે