ટંકારાના વાછકપર ગામેથી યુવતીને ભગાડી ગયેલા યુવાનના માતા-પિતાને મહિલા સહિત ચાર લોકોએ મારમાર્યો
Morbi Today
મોરબીના લાલપર પાસે ટ્રક ચાલકે બાઇકને હડફેટે લેતા યુવાનનો ચુંદાઈ ગયેલ પગ કાપવો પડ્યો
SHARE
JOIN OUR GROUP
મોરબીના લાલપર પાસે ટ્રક ચાલકે બાઇકને હડફેટે લેતા યુવાનનો ચુંદાઈ ગયેલ પગ કાપવો પડ્યો
મોરબી વાંકાનેર હાઇવે ઉપર લાલપર ગામ પાસે આવેલ કોરલ સિરામિક નજીક રોડ સાઈડમાં બાઈક લઈને પસાર થઈ રહેલા યુવાનના બાઈકને પાછળથી ટ્રક ચાલકે ઠોકર મારી હતી જેથી કરીને યુવાનના જમણા પગના ઢીંચણની નીચેના ભાગને ગંભીર રીતે ઇજા થઈ હતી માટે તેને પ્રથમ સારવારમાં મોરબી અને ત્યાંથી વધુ સારવાર માટે રાજકોટ લઈ ગયા હતા જોકે રાજકોટ સારવાર દરમિયાન યુવાનના જમણા પગને ઢીંચણની નીચેના ભાગે ઓપરેશન કરીને કાપવો પડ્યો છે જેથી કરીને હાલમાં ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે અકસ્માત સર્જનાર ટ્રક ચાલક સામે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ વાંકાનેરની મહાવીરનગર સોસાયટીમાં રહેતા વિવેકભાઈ યશવંતભાઈ સોઢા જાતે રજપૂત (૨૭)એ હાલમાં મોરબી તાલુકા પોલીસ સ્ટેશન ખાતે ટ્રક નં. જીજે ૪ એડબલ્યુ ૧૩૭૪ ના ચાલક સામે ફરિયાદ નોંધાવી છે જેમાં તેને જણાવ્યુ છે કે મોરબીના માટેલ રોડ ઉપર આવેલ લેનિસ સિરામિક કારખાનેથી તે સવારે દસ વાગ્યાના અરસામાં પોતાનું બાઈક નં. જીજે ૩૬ એમ ૮૮૫૦ લઈને કારખાનાના ડિજિટલ મશીનનું ફિલ્ટર લેવા માટે મોરબી તરફ આવતો હતો ત્યારે મોરબી વાંકાનેર રોડ ઉપર લાલપર નજીક નેશનલ હાઈવે રોડ ઉપર કોરલ સિરામિક નામના કારખાના સામેના ભાગમાં ટ્રક આગળના ભાગે વળાંક લેતો હતો જેથી કરીને ફરિયાદી યુવાને પોતાનું બાઈક ધીમુ કર્યું હતું અને ડાબી બાજુ બાઈક ચલાવતો હતો દરમિયાન પાછળથી આવી રહેલ ટ્રકના ચાલકે તેના બાઇકને હડફેટે લીધું હતું અને પાછળથી ઠોકર મારી હતી જેથી બાઇક ચાલક વિવેકભાઈ સોઢાને જમણા પગમાં ગંભીર ઇજા થઈ હતી અને ઢીંચણની નીચેનો ભાગ ચુંદાઈ ગયો હતો જેથી કરીને તેને તાત્કાલિક સારવાર માટે પ્રથમ મોરબીના સનાળા રોડ ઉપર આવેલ ક્રિષ્ના હોસ્પિટલ ખાતે લઈ ગયા હતા અને ત્યાંથી વધુ સારવાર માટે રાજકોટની ખાનગી હોસ્પિટલમાં લઈ જવામાં આવ્યો હતો જોકે સારવાર દરમિયાન ફરિયાદીનો જમણો પગ ઢીંચણથી નીચેના ભાગે ઓપરેશન કરીને કાપવો પડેલ છે અને અકસ્માત કરનાર ટ્રક ચાલક પોતાનો ટ્રક સ્થળ ઉપર મૂકીને નાસી ગયો હતો જેથી કરીને હાલમાં ભોગ બનેલ યુવાન દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને ટ્રકના ચાલકને પકડવા માટે તજવીજ શરૂ કરેલ છે
