હળવદમાં સોલાર વોટર હીટરના બિલ બાબતે દુકાનદાર સાથે માથાકૂટ કરી મારી નાખવાની ધમકી
SHARE
JOIN OUR GROUP
હળવદમાં સોલાર વોટર હીટરના બિલ બાબતે દુકાનદાર સાથે માથાકૂટ કરી મારી નાખવાની ધમકી
હળવદમાં રેલવે સ્ટેશન પાસે આવેલ દુકાને જઈને સોલાર વોટર હીટરના બિલ બાબતે એક શખ્સે બોલાચાલી કરી હતી અને ત્યારે ટેબલ ઉપર પડેલ લોખંડની વસ્તુનો છૂટો ખા કરીને દુકાનદારને જમણા હાથે અને જમણા પગે ઇજા કરી હતી અને જાનથી મારી નાખવાની ધમકી આપી હતી જેથી કરીને ભોગ બનેલા યુવાન દ્વારા હાલમાં હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
બનાવની જાણમાં મળતી માહિતી પ્રમાણે હળવદના સરા રોડ ઉપર આવેલ આલાપ સોસાયટીમાં રહેતા વિનોદભાઈ લક્ષ્મણભાઈ દલસાણીયા જાતે પટેલ (ઉંમર વર્ષ ૪૭) ની રેલવે સ્ટેશન રોડ ઉપર પટેલ વાયર એજન્સી નામની દુકાન આવેલ છે તે દુકાને હળવદના રાણેકપર રોડ ઉપર રામવીલા બંગ્લોઝમાં રહેતા મેહુલસિંહ ઝાલા આવ્યા હતા અને સોલાર વોટર હીટરના પ્લમ્બિંગ બિલ બાબતે તેની સાથે બોલાચાલી કરી હતી અને ગાળો આપી હતી અને ત્યારે ટેબલ ઉપર પડેલ લોખંડની વસ્તુનો ઘા કરીને દુકાનદાર વિનોદભાઈને જમણા હાથે તથા જમણા પગે ઇજા કરી હતી અને જાનથી મારી નાખવાની ધમકી આપી હતી જેથી કરીને ભોગ બનેલા દુકાનદાર દ્વારા હાલમાં હળવદ તાલુકા પોલીસ સ્ટેશન ખાતે ફરિયાદ નોંધવામાં આવતા પોલીસે મેહુલસિંહ ઝાલા સામે ગુનો નોંધીને તેને પકડવા માટે તજવીજ શરૂ કરેલ છે.
અકસ્માતમાં ઇજા
વાંકાનેર થી અમરસર ફાટક તરફ જતા રસ્તા ઉપરથી તીથવા ગામે રહેતા હુસેનભાઇ અલીભાઈ ખોરજીયા જાતે મોમીન (ઉંમર વર્ષ ૬૦) પોતાનો બાઈક નં જીજે ૩ સીએમ ૨૭૫૩ લઈને જતા હતા ત્યારે કાર નં જીજે ૩ એબી ૮૬૨૦ ના ચાલક મોહમ્મદરફીકભાઈ અમીનભાઇ માથકિયા રહે નવી કલાવડી વાળા એ બાઈકને પાછળથી હડફેટે લીધું હતું જેથી કરીને અકસ્માતનો બનાવ બન્યો હતો અને તેમાં વૃદ્ધને કપાળ, નાકના અને ડાબા પગે ઇજા થયો હોવાથી તેને સારવાર માટે હોસ્પિટલે ખસેડાયા હતા અને હુસેનભાઇએ હાલમાં મહમદરફીકભાઇ સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
