હળવદના નવા માલણીયાદ ગામે શેરીમાંથી પસાર થતાં ટ્રેક્ટર આડે પડતું મૂકી વૃદ્ધે કર્યો આપઘાત
Morbi Today
મોરબીના લૂંટ કેસમાં પકડાયેલા સાત આરોપીના ૩૦ મી સુધીના રિમાન્ડ મંજૂર
SHARE
JOIN OUR GROUP
મોરબીના લૂંટ કેસમાં પકડાયેલા સાત આરોપીના ૩૦ મી સુધીના રિમાન્ડ મંજૂર
મોરબીના પીપળી ગામ પાસેથી ૨૯ લાખની લૂંટ કરવામાં આવી હતી જે ગુનામાં પોલીસે સાત આરોપીઓની ધરપકડ કરેલ છે આ આરોપીઓને રિમાન્ડની માંગણી સાથે કોર્ટમાં રજૂ કરવામાં આવ્યા હતા જેથી કોર્ટે આરોપીઓના આગામી તા ૩૦ સુધીના રિમાન્ડ મંજૂર કરેલ છે
થોડા દિવસો પહેલા મોરબી નજીકના પીપળી ગામે આવેલ કેલે ફેકશન ટેકનો પ્રાઇવેટ લિમિટેડ કંપનીમાં કેશિયર તરીકે કામ કરતો અને પીપળી ગમે રહેતો ચંદ્રેશભાઇ સવજીભાઈ શિરવી (૩૬) પોતાનું કામકાજ પૂરું કરીને પોતાના ઘર તરફ જતો હતો ત્યારે પીપળી ગામ પાસે આવેલ આશ્રમ નજીક તેના બાઇકને અજાણી કારમાં આવેલા ત્રણ શખ્સોએ ઠોકર મારી હતી અને ત્યાર બાદ ચંદ્રેશભાઇને ઢીકાપાટુનો માર મારીને તેની પાસેથી રોકડા ૨૯ લાખ ભરેલ થેલો લઈને આરોપીઓ કારમાં નાસી ગયા હતા ત્યાર બાદ ચંદ્રેશભાઇ શિરવીએ મોરબી તાલુકા પોલીસ સ્ટેશને લૂંટની ફરિયાદ નોંધાવી હતી
આ ગુનામાં પોલીસે મયુરસિંહ દિલીપભાઈ ડોડીયા જાતે કારડીયા રાજપુત (૨૮), શક્તિસિંહ ઉર્ફે ભાણો નીનુભા ગોહિલ જાતે કારડીયા રાજપુત (૨૯), મહિપાલસિંહ અભેસંગ ગોહેલ જાતે કારડીયા રાજપુત (૨૭), ભગવાન ઉર્ફે ભગો કરસનભાઈ રબારી (૩૦), રાજેન્દ્રસિંહ ઉર્ફે રાજભા દિલીપભાઈ લીબોલા (૨૮), દશરથ ઉર્ફે લાદેન જીલુભાઈ પરમાર (૨૮) અને અર્જુનગીરી નારદગીરી ગોસાઈ (૨૧) ની ધરપકડ કરેલ હતી અને આ આરોપીઓને રિમાન્ડની માંગણી સાથે મોરબીની કોર્ટમાં રજૂ કરવામાં આવ્યા હતા ત્યારે કોર્ટે આરોપીના આગામી તા ૩૦ સુધીના રિમાન્ડ મંજૂર કરેલ છે જેથી પોલીસે બાકીનો મુદામાલ રિકવર કરવા માટે અને એક આરોપી પકડવાનો બાકી છે તેને પકડવા માટે ચક્રોગતિમાન કરેલ છે
