મોરબીમાં જુદાજુદા બે બનાવોમાં વૃદ્ધ અને યુવાનનું મોત
SHARE
JOIN OUR GROUP
મોરબીમાં જુદાજુદા બે બનાવોમાં વૃદ્ધ અને યુવાનનું મોત
મોરબીમાં બે જુદાજુદા બનાવોમાં એક વૃદ્ધ તેમજ એક મજૂર યુવાનનું મોત નિપજયુ હોવાનું સામે આવ્યું છે.
મોરબી સીટી એ ડિવિઝન પોલીસ સૂત્રોમાંથી મળતી માહિતી મુજબ મોરબીના વાવડી રોડ ઉપર આવેલ સત્યમ સોસાયટીમાં રહેતા પોપટભાઈ લક્ષ્મણભાઈ ગોઠી જાતે પટેલ નામના ૬૯ વર્ષીય આધેડ તેઓના ઘેર હતા ત્યારે તેઓને હાર્ટ એટેકનો હુમલો આવી જતા તેઓનું મોત નીપજયુુ હતું.મૃતક પોપટભાઈ ગોઠી સેવાભાવી સંસ્થામાં જોડાયેલા હતા અને સેવાભાવી પ્રવૃત્તિ કરતા હતા દરમિયાનમાં તેમના મોતના પગલે પરિવારમાં શોક વ્યાપી ગયો હતો બનાવ સંદર્ભે એ ડિવિઝન પોલીસ મથકના એચ.એમ.ચાવડા દ્વારા નોંધ કરીને આગળની તપાસ હાથ ધરવામાં આવી હતી.જ્યારે મોરબીના લખધીરપુર રોડ ઉપર આવેલ મેટ્રો સીરામીકના લેબર કવાટરમાં રહીને ત્યાં જ મજૂરી કામ કરતા મહારાજ પાતીરામ આદિવાસી નામના ૩૪ વર્ષના યુવાનને હાર્ટ એટેકનો હુમલો આવી જતા તેને આજે સવારના સમયે બેભાન હાલતમાં અહીંની સિવિલ હોસ્પિટલે ખસેડાયો હતો જ્યાં જોઈ તપાસીને ફરજ ઉપરના તબીબે મહારાજભાઈ આદિવાસી નામના મજૂર યુવાનને મૃત જાહેર કર્યો હતો જેથી તાલુકા પોલીસ મથકના જશપાલસિંહ જાડેજા દ્વારા આ અંગે નોંધ કરીને આગળની તપાસ ચલાવવામાં આવી રહી છે.
બાળક સારવારમાં
મોરબીના માધાપરા વિસ્તારમાં આવેલી શેરી નંબર ૨૦ માં રહેતો વિશાલ ભાણજીભાઈ પરમાર નામનો ૧૪ વર્ષનો સગીર વયનો બાળક સાયકલ લઈને મોરબીના શનાળા રોડ ઉપરથી જતો હતો ત્યારે ત્યાં શનાળા રોડ ઉપર આવેલ મહેશ હોટલની સામે રોડ ઉપર અજાણ્યા બાઇક ચાલકે તેની સાઇકલને હડફેટે લેતા ઇજાઓ થતા વિશાલ પરમારને સારવાર માટે ખસેડવામાં આવ્યો હતો જેથી એ ડિવિઝન પોલીસ મથકના વિપુલભાઈ ફુલતરીયા દ્વારા આ અંગે નોંધ કરીને આગળની તપાસ કરવામાં આવી રહેલ છે.
વાહન અકસ્માતમાં ઇજા
મોરબીના વાવડી રોડ પર રહેતા સલીમ યાસીનભાઈ લબાડીયા નામના ૩૧ વર્ષીય યુવાનને મોરબીના વાંકાનેર હાઇવે ઉપર મકનસર ગામની પાસે વાહન અકસ્માતના બનાવમાં ઇજાઓ પહોંચતા તેને ૧૦૮ વડે સારવાર માટે અહીંની સિવિલ હોસ્પિટલે લાવવામાં આવ્યો હતો જેને પગલે તાલુકા પોલીસના મણીભાઈ ગામેતી દ્વારા આ અંગે આગળની તપાસ ચલાવવામાં આવી રહી છે.
