મોરબીમાં યુવાને આપેલા હાથ ઉછીના રૂપિયા પરત માંગતા કાકાના દીકરાએ માર માર્યો
SHARE
JOIN OUR GROUP
મોરબીમાં યુવાને આપેલા હાથ ઉછીના રૂપિયા પરત માંગતા કાકાના દીકરાએ માર માર્યો
મોરબીના બાયપાસ રોડ ઉપર આવેલ વાડી વિસ્તારમાં રહેતા યુવાને તેના કાકાના દીકરાને હાથ ઉછીના રૂપિયા આપ્યા હતા જે પરત માગ્યા હતા જેથી કરીને તેના કાકાના દીકરાએ તે યુવાનને માર માર્યો હતો અને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી પ્રમાણે મોરબીના બાયપાસ રોડ ઉપર કામધેનુ પાર્ટી પ્લોટની પાછળના ભાગમાં આવેલ કૈણક્ણાની વાડીમાં રહેતા સુનિલભાઈ હરજીવનભાઈ પરમાર જાતે સતવારા (૩૧) એ હાલમાં મોરબી સીટી એ ડિવિઝન પોલીસ સ્ટેશન ખાતે તેના કાકાના દીકરા બાબુલાલ ઉર્ફે કારો પ્રભુભાઈ પરમાર જાતે સતવારા રહે. કામધેનું પાર્ટી પ્લોટ પાછળ કૈણક્ણાની વાડી વાળાની સામે ફરિયાદ નોંધાવેલ છે જેમાં તેને જણાવ્યું છે કે, છ વર્ષ પહેલાં તેણે બાબુલાલને ૫૦૦૦ રૂપિયા હાથ ઉછીના આપ્યા હતા જે પૈકીના ૫૦૦ રૂપિયા તેણે પરત આપ્યા હતા જોકે સાડા ચાર હજાર રૂપિયા લેવાના બાકી હતા તેની ઉઘરાણી કરી હતી જે બાબતે તેને અગાઉ માર માર્યો હતો ત્યારે ફરિયાદ નોંધાવી ણ હતી જો કે, બાબુલાલે તેને અજીતભાઈ જાલરીયાના કારખાનાનું ઉલિયાનું કામ તે કરે છે તે બંધ કરવા માટે કહ્યું હતું જો કે, ફરિયાદી યુવાને તે કામ બંધ કર્યું ન હોવાથી તેને ઢીકાપાટુનો મારમારીને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
