મોરબીમાં મતગણતરીના દિવસે ઘૂંટુ રોડે ભારે વાહનોની પ્રવેશબંધી
SHARE
JOIN OUR GROUP
મોરબીમાં મતગણતરીના દિવસે ઘૂંટુ રોડે ભારે વાહનોની પ્રવેશબંધી
મોરબી જિલ્લાની વિધાનસભાની ત્રણેય બેઠકની મતગણતરી પોલિટેકનિક બિલ્ડીંગ, ઘૂંટુ રોડ, મોરબી ખાતે તા.૮-૧૨ ના રોજ થનાર છે. જે અન્વયે મત ગણતરીના દિવસે એટલે કે, તા.૮-૧૨ ના રોજ સવારે ૬ કલાકથી સાંજના ૧૯:૦૦ કલાક સુધી ઘૂંટુ રોડ ભારે વાહનોના પ્રવેશ પર પ્રતિબંધ મૂકતું જાહેરનામુ નિવાસી અધિક કલેકટર એન.કે. મુછાર દ્વારા બહાર પાડવામાં આવ્યું છે.
આ જાહેરનામા અનુસાર મોરબી-મહેન્દ્રનગરથી ઘુંટુ તરફ જતા મોટા ભારે વાહનોએ માળિયા ફાટકથી ત્રાજપર ચાર રસ્તાથી જુના ઘૂંટુ રોડનો વૈકલ્પિક માર્ગ તરીકે ઉપયોગ કરવાનો રહેશે અને હળવદથી મોરબી તરફ આવતા મોટા ભારે વાહનોએ ઘૂંટુ ગામ, બાપાસીતારામ મંદિર ચોકડીથી જુના ઘૂંટુ રોડથી ત્રાજપર ચાર રસ્તા તરફના રસ્તાનો વૈકલ્પિક માર્ગ તરીકે ઉપયોગ કરવાનો રહેશે આ જાહેરનામું તા.૮-૧૨ ના રોજ સવારે ૬ કલાકથી સાંજના ૭ કલાક સુધી અમલમાં રહેશે. આ હુકમનો ભંગ કરનાર ગુજરાત પોલીસ અધિનિયમ-૧૯૫૧ની કલમ-૧૩૧ હેઠળ શિક્ષાને પાત્ર બનશે.
