મોરબી સહિત ત્રણ જિલ્લામાં બાઈક ચોરી કરતી બેલડી ઝડપાઇ: ૧.૭૦ લાખના ૮ બાઈક કબજે કર્યા

મોરબી જિલ્લા સહિત ત્રણ જિલ્લાના જુદાજુદા વિસ્તારમાંથી બાઈકની ચોરીઓ કરવામાં આવી હતી જેથી કરીને બાઇક ચોરને પકડવા માટે પોલીસ સક્રિય હતી ત્યારે મોરબી, રાજકોટ અને જામનગરમાં બાઈક ચોરી કરનાર બેલડીને પોલીસે પકડી લીધેલ છે અને ૧.૭૦ લાખનો મુદામાલ કબજે કરેલ છે અને તેના રિમાન્ડ લેવા માટે તજવીજ શરૂ કરી છે

મોરબી સીટી એ ડીવીઝન પોલીસની ટીમ પેટ્રોલિંગમાં હતી ત્યારે નંબર પ્લેટ વગરના બાઈક સાથે બે શખ્સ રાજપર ચોકડી પાસેથી ઝડપાયા હતા જેથી તેને રોકીને પોલીસ ચેક કરતાં તે સંતોષકારક જવાબ આપી શક્યા ન હતા જેથી કરીને પોકેટ કોપથી સર્ચ કરતા બાઈક એ ડીવીઝન પોલીસ મથકમાંથી ચોરી થયાનું ખુલ્યું હતું જેથી પોલીસે આરોપી સાગર જાગાભાઈ ગોલતર (૨૦) રહે ઓટાળા તાલુકો ટંકારા અને કુંવરો ઉર્ફે કુરીભાઈ પશુભાઈ જખાણીયા રહે મોડપર તાલુકો ધ્રોલ વાળાને પકડાયા હતા અને તેની પૂછપરછ કરતા અન્ય બાઈક ચોરીની કબુલાત આપી હતી જેથી કરીને પોલીસે અન્ય સાત બાઈક મળીને કુલ આઠ બાઈક જેની કીમત ૧,૭૦,૦૦૦ નો મુદામાલ કબજે કરેલ છે અને આ શખ્સોએ મોરબી, રાજકોટ અને જામનગરમાંથી આઠ બાઈક ચોરી કર્યાની કબૂલાત આપેલ છે આ શખ્સે શેહરના નવા બસ સ્ટેન્ડ, આયુષ હોસ્પિટલ, સુપર માર્કેટ અને છોટાલાલ પેટ્રોલ પંપ પાસેથી બાઈક ચોરી કર્યુંનું કબૂલ્યું છે અત્રે ઉલેખનીય છે કે, આરોપી સાગર રીઢો ગુનેગાર છે અને અનેક વખત પોલીસ ચોપડે ચડી ચુક્યો છે