મોરબીમાં એલ.ઇ. કોલેજ રોડ ઉપર ફ્લોરાની સાઈટમાં ટ્રેક્ટર ચાલકે હડફેટે લેતા દોઢ વર્ષની બાળકીનું મોત
SHARE
JOIN OUR GROUP
મોરબી શહેરના સામાકાંઠા વિસ્તારમાં એલ.ઇ. કોલેજ રોડ ઉપર અક્ષર સીટી ફલોરામાં બાંધકામ ચાલી રહ્યું છે દરમિયાન ટ્રેક્ટરના ચાલકે ત્યાં રમી રહેલ શ્રમિકની દોઢ વર્ષની દીકરીને હડફેટ લીધી હતી જેથી કરીને તેને માથામાં ગંભીર થતા બાળકીનું ઘટના સ્થળે જ મોત નિપજ્યુ હતું અને અકસ્માત સર્જીને ટ્રેક્ટર ચાલક પોતાનું ટ્રેક્ટર સ્થળ ઉપર છોડીને નાસી ગયો હતો જેથી કરીને હાલમાં મૃતક બાળકીના પિતાની ફરિયાદ લઈને ટ્રેક્ટર ચાલક સામે ગુનો નોંધી પોલીસે આરોપીને પકડવા માટે તજવીજ શરૂ કરેલ છે
બનાવવાની જાણવા મળતી વિગત મુજબ મૂળ એમપીના જામવા જિલ્લાના અગ્રાલ ગામના રહેવાસી અને હાલમાં મોરબીની પંચાસર ચોકડી પાસે મહાવીર નગર નજીક દોશી સ્કૂલની સામે રહેતા રવિન્દ્રભાઈ લાલચંદભાઈ ખંડેળા જાતે આદિવાસી (ઉંમર વર્ષ 25) એ હાલમાં મોરબી સીટી બી ડિવિઝન પોલીસ સ્ટેશન ખાતે ટ્રેક્ટર નંબર જીજે 17 બીએન 1740 ના ચાલક સામે ફરિયાદ નોંધાવેલ છે જેમાં તેણે જણાવ્યું છે કે મોરબી શહેરના સામાકાંઠા વિસ્તારમાં એલ.ઇ. કોલેજ રોડ ઉપર અક્ષર સીટી ફ્લોરા સાઈટ ઉપર બાંધકામની કામગીરી ચાલી રહી છે ત્યારે તેઓની દીકરી આરોહી (ઉંમર 1.5) ત્યાં રમતી હતી દરમ્યાન ટ્રેકટર ચાલકે બેફિકરાઈથી પોતાનું વાહન ચલાવીને અચાનક ટર્ન લીધો હતો અને ત્યારે ફરિયાદી રવિન્દ્રભાઈની દીકરીને ટ્રેક્ટર માં જોડેલ ટ્રોલીથી હડફેટે લીધી હતી અને ત્યારે આરોહીને માથાના ભાગે ગંભીર ઈજા થઈ હોવાથી તેનું ઘટના સ્થળે મોત નિપજ્યુ હતું ત્યારબાદ તેના મૃતદેહને સિવિલ હોસ્પિટલ ખાતે ખસેડવામાં આવ્યો હતો અને અકસ્માત સર્જીને ટ્રેક્ટર ચાલક પોતાનું વાહન સ્થળ ઉપર છોડીને નાસી ગયો હતો. હાલમાં મૃતક બાળકીના પિતાએ નોંધાવેલ ફરિયાદ આધારે પોલીસે ટ્રેક્ટર ચાલક સામે ગુનો નોંધીને આરોપીને પકડવા માટે તજવી શરૂ કરેલ છે
