મોરબીમાં યુવાનને જાનથી મારી નાખવાની ધમકી આપવાના ગુનામાં વધુ એક આરોપીની ધરપકડ
Morbi Today
મોરબીમાં પતિને પ્લાસ્ટિકના પાઇપથી માર મારવાના ગુનામાં પત્નીની ધરપકડ
SHARE
JOIN OUR GROUP
મોરબીમાં પતિને પ્લાસ્ટિકના પાઇપથી માર મારવાના ગુનામાં પત્નીની ધરપકડ
મોરબીના પંચાસર રોડ ઉપર આવેલ ભાભા એક્સપોર્ટ હાઉસ પાછળના ભાગમાં આવેલ એપાર્ટમેન્ટમાં રહેતા યુવાનને તેની પત્નીએ પ્લાસ્ટિકના પાઇપ વડે માર માર્યો હતો જેથી ભોગ બનેલા યુવાન દ્વારા મોરબી સીટી એ ડિવિઝન પોલીસ સ્ટેશન ખાતે પોતાની પત્ની સામે ફરિયાદ નોંધવામાં આવી હતી જેના આધારે પોલીસે આરોપીને પકડવા માટે તજવીજ શરૂ કરી હતી દરમ્યાન પતિને માર મરનારી પત્નીની પોલીસે ધરપકડ કરીને આગળની કાર્યવાહી હાથ ધરી હતી
જાણવા મળતી માહિતી મુજબ મોરબીના પંચાસર રોડ ઉપર આવેલ ભાભા એક્સપોર્ટ હાઉસની પાછળના ભાગમાં નીલકંઠ એપાર્ટમેન્ટના ફ્લેટ નંબર ૪૦૩-બી માં રહેતા જનકભાઈ છગનભાઈ મારવાણીયા જાતે પટેલ (૩૭) એ થોડા સમયા પહેલા પોતાની પત્ની મનીષાબેન જનકભાઈ મારવાણીયાની સામે ફરિયાદ નોંધાવેલ હતી કે, તેઓના માતા-પિતા અને ભાઈ પાસે તેની પત્ની તેને જવા દેતી ન હતી અને તેઓને તેના ઘરે આવવા દેતી ન હતી દરમિયાન ફરિયાદી જનકભાઈના નાના ભાઈ નવીનભાઈને તેઓએ બાઈક આપેલ હતું જેથી મનીષાબેને “મને પૂછ્યા વગર કેમ બાઈક આપ્યું” તેવું કહીને ગાળો આપી હતી અને ત્યારબાદ પ્લાસ્ટિકની લાકડી વડે તેને માર માર્યો હતો જેથી ભોગ બનેલા જનકભાઈ મારવાણીયાએ તેની પત્ની મનિષાબેનની સામે ફરિયાદ નોધાવી હતી જેથી એ ડિવિઝન પોલીસે આરોપીને પકડવા માટે તજવીજ શરૂ કરી હતી અને આરોપી મહિલા મનીષાબેન ઉર્ફે મનુ જનકભાઈ મારવાણીયા (૩૬) રહે. નીલકંઠ એપાર્ટમેન્ટના ફ્લેટ નંબર ૪૦૩-બી, ભાભા એક્સપોર્ટ હાઉસની પાછળ વાળા આગોતર જમીન સાથે મોરબી એ ડિવિઝન પોલીસ સ્ટેશને આવતા પોલીસે તેની ધરપકડ કરીને તેની પૂછપરછ કરીને આગળની કાર્યવાહી કરી હતી
