મોરબીના લક્ષ્મીનગર પાસે ટ્રક ચાલકે બાઈકને હડફેટે લેતા બે લોકો સારવારમાં
SHARE
JOIN OUR GROUP
મોરબીના લક્ષ્મીનગર પાસે ટ્રક ચાલકે બાઈકને હડફેટે લેતા બે લોકો સારવારમાં
મોરબી-માળીયા હાઈવે લક્ષ્મીનગર ગામ પાસે ટ્રક ચાલકે ડબલ સવારી બાઈકને હડફેટે લીધુ હતું. આ બનાવમાં હાર્દિક પરસોતમભાઈ શેરસીયા (27) અને કરશનભાઈ લક્ષ્મણભાઈ શેરસીયા (52) રહે. ચિત્રકુટ સોસાયટી નાની કેનાલ રોડને ઈજાઓ થયેલ હોય બંનેને સારવારમાં ખસેડાયા હતા.જયારે સામાકાંઠે આવેલ રૂષભનગરમાં રહેતા વિશાલ વિનોદભાઈ મહેતા (35)ને વાહન અકસ્માતમાં ઈજા થતા ભચાઉ બાદ મોરબીની આયુષ હોસ્પિટલે લવાયો હતો. વિશાલ મહેતા કારમાં ગાંધીધામથી મોરબી આવતો હતો ત્યારે મોટી ચીરઈ અને ચોપડવા ગામની વચ્ચે ટ્રક ચાલકે તેની કારને ટકકર મારતા અકસ્માત બનાવ સર્જાયો હતો.
ટંકારા અકસ્માત
ટંકારા તાલુકાના જબલપુર ગામની પાસે વાહન અકસ્માત બનાવ બન્યો હતો. જેમાં ઈજા પામેલા ગોવિંદ બાબભાઈ માવલા (20), દિલીપ કુંવરશી માવયલા (20), પઠાણ કુંવરશી માવલા (30), કુંવરશી નટાલીયા માવલા (55) અને અશોક કુંવરશી માવલા (25)ને અહીંની સીવીલે સારવાર માટે લાવવામાં આવ્યા હતા.જયારે વાંકાનેર ટોલ પ્લાઝા ખાતે થયેલ મારામારીમાં ઈજાગ્રસ્ત થયેલા બંગાલીરામ જગુભાઈ રાય (48)ને મોરબી સિવિલે સારવાર માટે લાવવામાં આવ્યો હતો.
બાળક સારવારમાં
ઘુંટુ રોડ પર આવેલા જનતા લોખંડના કારખાના ખાતે કામ કરતા પરીવારના પાંચ વર્ષના અમન વિજયભાઈ ભીલાલને સાંજે પિતા સાથે હતો ત્યારે ટ્રકના ડાલાની સાંકળ લાગી જતા વધુ સારવાર માટે રાજકોટ ખસેડાયો છે. જયારે ત્રાજપર ખાતે રહેતા રંજનબેન અશોકભાઈ ઈન્દરીયા (40) નામના મહિલા પગપાળા જતા હતા ત્યારે અજાણ્યા વાહનની હડફેટે ચડી જતા સારવાર માટે સિવિલે લાવવામાં આવ્યા હતા. પાનેલી રોડ પર પંચરની દુકાને કામ કરતા સમયે સાપ કરડી જતા મહોંમદ શહેનવાઝભાઈ જહાંગીર (17) મુળ રહે. બંસાલી પશ્ર્ચિમ બંગાળને અત્રેની આયુષ હોસ્પિટલે સારવાર માટે લાવવામાં આવ્યો હતો.
પરિણીતા સારવારમાં
રંગપર ગામે સિરામીક કારખાનામાં રહી ત્યાં કામ કરતી રાધીકાબેન યોગેશભાઈ કારોવાને પતિ દ્વારા માર મારવામાં આવતા અત્રેની ખાનગી હોસ્પિટલે સારવાર માટે લાવવામાં આવી હતી. જયારે જેતપર રોડ પાવડીયારી નજીક આવેલા એસ્પેન્ટાગોન કંપની પાસે ત્રીજા માળેથી પડી ગયેલા માંગીલાલ માનતાભાઈ શેરીયા (40)ને સિવિલે સારવારમાં ખસેડાયો હતો.બેલા ગામ પાસે કારખાનાના કવાટરમાં રહી મજુરીકામ કરતી સાવિત્રીબેન યોગેશભાઈ દોહરા (17)ને પતિએ માર મારતા સારવાર માટે લઈ જવામાં આવી હતી. સામાકાંઠે ભડીયાદ ખાતે ઘરે સાપ કરડી જતા સોનલબેન મુકેશભાઈ મહાલીયા (25)ને સિવિલે સારવાર માટે લાવવામાં આવી હતી તેમ પોલીસ સુત્રોએ જણાવેલ છે.
