મોરબી ઝૂલતા પુલ દુર્ઘટનાના દિવંગતોના મોક્ષર્થે રામ મહેલ મંદિર ખાતે રક્તદાન કેમ્પ યોજાયો
SHARE
JOIN OUR GROUP
મોરબી ઝૂલતા પુલ દુર્ઘટનાના દિવંગતોના મોક્ષર્થે રામ મહેલ મંદિર ખાતે રક્તદાન કેમ્પ યોજાયો
મોરબીમાં 30 ઓક્ટોબર 2022 ના રોજ ઝુલતા પુલ તૂટી પડવાથી ગોઝારી દુર્ઘટના બની હતી જેમાં કુલ મળીને 135 લોકોએ તેઓના જીવ ગુમાવ્યા હતા ત્યારે આજે મૃતકોને શ્રદ્ધાંજલિ અર્પણ કરવા અને તેઓના મોક્ષર્થે મોરબીમાં આવેલ રામ મહેલ મંદિર ખાતે મહા રક્તદાન કેમ્પનું આયોજન કરવામાં આવ્યું છે.
મોરબીમાં દરબાર ગઢ પાસે આવેલ શ્રી રામ મહેલ મંદિર ખાતે આજે પ્રતીકભાઈ મહેન્દ્રભાઈ આચાર્યની સેવાકીય ભાવના અને રાજકોટની લાઈફ બલ્ડ સેન્ટરના સહયોગથી ઝુલતા પુલ દુર્ઘટનાના દિવંગત આત્માનોને શ્રદ્ધાંજલિ અર્પણ કરવા અને તેઓના મોક્ષર્થે મહા રક્તદાન કેમ્પનું આયોજન કરવામાં આવ્યું છે અને આજે સવારે 7:30 વાગ્યાથી રક્તદાન કેમ્પ શરૂ કરવામાં આવેલ છે અને આ કેમ્પના ઉદ્ઘાટન સમયે આરએસએસના પશ્ચિમ ક્ષેત્રના સંઘ ચાલક ડો. જયંતિભાઈ ભાડેશિયા, ડો. સતિષભાઇ પટેલ, મહાપાલિકાના ડેપ્યુટી મેયર ચિરાગભાઈ રાણપરા, દંડક જયેશભાઇ દેસાઇ સહિતના અનેક લોકો અને સેવાભાવી યુવાનો હાજર રહ્યા હતા અને મહિલાઓ સહિતના લોકોએ રક્તદાન કરીને મોરબીની ઝુલતા પુલ દુર્ઘટનામાં જીવ ગુમાવનાર તમામ દિવંગત આત્માઓને શ્રદ્ધાંજલિ અર્પણ કરી હતી અને રક્તદાન જેવા મહાદાન થકી જરૂરિયાતમંદ દર્દીઓને મદદરૂપ થવાના હેતુ સાથે આ રક્તદાન કેમ્પનું આયોજન રામ મહેલ મંદિર દ્વારા કરવામાં આવ્યું હતું.
