મોરબી ગ્રામ્ય-શહેરી વિસ્તારની 82 આંગણવાડીઓની જવાબદારી મહાનગરપાલિકાને સોપાઈ
Morbi Today
મોરબીમાં પડતર પ્રશ્નોને લઈને સ્વનિર્ભર શાળા સંચાલક મહામંડળે કલેક્ટર-ડીઇઓને કરી રજૂઆત
SHARE
JOIN OUR GROUP
મોરબીમાં પડતર પ્રશ્નોને લઈને સ્વનિર્ભર શાળા સંચાલક મહામંડળે કલેક્ટર-ડીઇઓને કરી રજૂઆત
ગુજરાતભરમાં સ્વનિર્ભર શાળા સંચાલક મહામંડળના જે પડતર પ્રશ્નો છે તેને ઉકેલવામાં આવતા નથી જેથી ગુજરાતભરમાં તમામ જિલ્લાઓમા જિલ્લા મથકોએ સ્વનિર્ભર શાળા સંચાલક મહામંડળ દ્વારા આવેદનપત્ર આપવામાં આવ્યા હતા ત્યારે મોરબી જીલ્લામાં પણ સ્વનિર્ભર શાળા સંચાલક મહામંડળ દ્વારા પડતર પ્રશ્નોને લઈને કલેક્ટર અને ડીઇઓ ને આવેદનપત્ર આપવામાં આવ્યું હતું અને તેઓના એફઆરસી, આરટીઇ અને શાળાઓને પડતી વિવિધ વહીવટી મુશ્કેલીઓને દૂર કરવા માટેની રજૂઆત કરી હતી.
મોરબી જીલ્લા સ્વનિર્ભર શાળા સંચાલક મહામંડળના પ્રમુખની આગેવાનીમાં જે આવેદનપત્ર આપવામાં આવ્યું છે તેમાં જણાવ્યુ છે કે, છેલ્લા કેટલાક વર્ષોથી રોજેરોજ અલગ-અલગ પ્રકારની 52 જેટલી ઓનલાઈન કામગીરીના પરિપત્રો કરવામાં આવેલ છે આ કામગીરીમાંથી મુક્તિ મળે તેવી માંગ કરી છે અને શાળા સંચાલકોએ સરકાર સમક્ષ સિંગલ પ્લેટફોર્મ તૈયાર કરવાની માંગ કરી છે અને શાળાઓએ વારંવાર આવતા પરિપત્રોના જવાબ આપવા ન પડે અને શિક્ષકો તે સમય બાળકો પાછળ ફાળવી શકે તેવી વ્યવસ્થા કરવા માટેની માંગ કરી છે. આટલું જ નહીં વર્ષ 2017 માં એફઆરસી અસ્તિત્વમાં આવી ત્યારથી ફી ના સ્લેબમાં કોઈ સુધારો થયો નથી. માટે જે શાળાઓને ફી માં 10 ટકાથી ઓછો વધારો કરવાનો હોય તેઓને માત્ર એફિડેવિટ રજૂ કરવાથી ફી વધારો મળી રહે તેવું કરવા માટે સરકારને રજૂઆત કરી છે કેમ કે, મોંઘવારીના લીધે દરેક જગ્યાએ વધારો થયો છે જો કે, શાળાઓના વિકાસ અને નિભાવ માટે ફંડની જરૂર પડે છે. જેથી ફી માં 10 ટકાના વધારા માટે સરળીકરણ કરવામાં આવે તે જરૂરી છે. તેમજ આરટીઈ એક્ટ હેઠળ શાળાઓમાં પ્રવેશ મેળવતા વિદ્યાર્થીઓની ફી બાબતે હાઈકોર્ટમાં અપીલ કરી છે આ મામલે હાઈકોર્ટે સરકારને માર્ગદર્શન અને સ્પષ્ટ ચુકાદો આપેલો છે કે, સંસ્થાઓને એફઆરસી દ્વારા મંજૂર કરવામાં આવેલ અથવા તો નજીકની પ્રાથમિક શાળામાં વિદ્યાર્થી દીઠ જે ખર્ચ લાગતો હોય તે રકમ ચૂકવવામાં આવે તો સરકાર દરેક શાળાને એફઆરસી દ્વારા નિયત કરેલી ફી આરટીઇ ના વિદ્યાર્થીઓ માટે ચૂકવે તેના માટેની રજૂઆત કરવામાં આવેલ છે.
