મોરબીમાંથી દેશી હાથ બનાવટની પિસ્તોલ-2 કાર્ટિસ સાથે એક શખ્સ પકડાયો

મોરબીના રવાપર રોડ ઉપર આવેલ કરણ એપાર્ટમેન્ટ પાસે એસઓજીની ટીમ દ્વારા રેડ કરવામાં આવી હતી ત્યારે ત્યાંથી એક શખ્સ દેશી હાથ બનાવટની એક પિસ્તોલ સાથે મળી આવ્યો હતો જેથી કરીને હથિયાર અને 2 જીવતા કાર્ટિસ આમ કુલ મળીને 5200 નો મુદામાલ પોલીસે કબ્જે કરીને આરોપીને પકડીને એ ડિવિઝન પોલીસ સ્ટેશન ખાતે આર્મ્સ એક્ટની કલમ હેઠળ ગુનો નોંધીને પોલીસે આગળની કાર્યવાહી હાથ ધરી છે

મોરબી જિલ્લા એસઓજીની ટિમ પેટ્રોલીંગમાં હતી ત્યારે બાતમી મળી હતી કે, પરિમલભાઈ વાઘેલા રહે. લીલાપર વાળો ગેરકાયદેસર હથિયાર રાખે છે જેથી બાતમી આધારે પોલીસે વોચ રાખીને મોરબીના રવાપર રોડ ઉપર આવેલ કરણ એપાર્ટમેન્ટ પાસે રેડ કરવામાં આવી હતી ત્યારે ત્યાં સ્થળ ઉપરથી પરિમલભાઈ ગોપાલભાઈ વાઘેલા નામનો શખ્સ દેશી હાથ બનાવટની એક પિસ્તોલ સાથે મળી આવેલ હતો જેથી પોલીસે તેની પાસેથી 5000 રૂપિયાની કિંમતનું હથિયાર તથા 2 જીવતા કાર્ટિસ આમ કુલ મળીને 5200 ની કિંમતનો મુદ્દામાલ કબજે કર્યો હતો અને હાલમાં આ બનાવ સંદર્ભે મોરબી એ ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે.