ટંકારાના લજાઈ નજીક ડબલ સવારી બાઇકને હડફેટે લઈને બે યુવાનોના મોત નિપજાવનાર ટ્રક ચાલક સામે ગુનો નોંધાયો

ટંકારા તાલુકાના લજાઈ ગામથી વાંકાનેર તરફ જવાના રસ્તા ઉપર આવેલ જીએડીસી પાસેથી ડબલ સવારી બાઈક થોડા દિવસો પહેલા પસાર થઈ રહ્યું હતું ત્યારે ટ્રક ચાલકે તેઓના બાઈકને હડફેટે લીધું હતુ જેથી એક યુવાનનું ઘટના જ્યારે બીજા યુવાનનું સારવાર દરમિયાન મોત  નીપજયું હતું જે બનાવમાં પોલીસે મૃતક યુવાનના પિતાની ફરિયાદ લઈને ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

મૂળ રાજસ્થાનના રહેવાસી મદનલાલ ગુલજારીદાસ સ્વામી (46)એ ટ્રક નંબર જીજે 12 એટી 7583 ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, લજાઈ ગામથી વાંકાનેર તરફ જવાના રસ્તા ઉપર આવેલ જીઆઇડીસી પાસેથી ફરિયાદીનો દીકરો બાઈક નંબર જીજે 36 બીએ 2565 લઈને પસાર થઈ રહ્યો હતો ત્યારે ટ્રક ચાલકે તેના બાઇકને હડફેટે લીધું હતું જેથી જેથી કરીને અકસ્માતનો બનાવ બનેલ હતો જે બનાવમાં ફરિયાદીના દીકરા કાનારામ અને તેના મિત્ર ધર્મેન્દ્ર બંનેને માથામાં અને શરીર જાઓ થઈ હતી અને કાનારામ મદનલાલ સ્વામી (23) નું ઘટના સ્થળ મોત નીપજયું હતું જ્યારે ધર્મેન્દ્ર વિજયભાઈ દયાલ નામના યુવાનને સારવારમાં ખસેડાયો હતો જેનું પણ ટૂંકી સારવારમાં મોત નીપજયું હતું. જેથી અકસ્માતના આ બનાવમાં મૃતક યુવાનના પિતાની ફરિયાદ લઈને પોલીસે ટ્રક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે