મોરબીમાં પાણીથી શેરી ધોતી મહિલાને પાડોશી મહિલા સહિત ત્રણ લોકોએ માથાકૂટ કરીને માર માર્યો
SHARE
JOIN OUR GROUP
મોરબીમાં પાણીથી શેરી ધોતી મહિલાને પાડોશી મહિલા સહિત ત્રણ લોકોએ માથાકૂટ કરીને માર માર્યો
મોરબીના વિધુતનગર પાસે આવેલ વિક્રમ વાડી નજીક રહેતા મહિલા પોતાના ઘર પાસે શેરીમાં પાણી નાખીને ધોઈ રહ્યા હતા ત્યારે શેરીમાં પાણી ભરાયું હોવાથી પાડોશમાં રહેતી મહિલા અને તેના પતિ તેમજ પુત્રવધુએ આધેડ મહિલાની સાથે બોલાચાલી કરીને ઝઘડો કર્યો હતો અને ત્યારબાદ આધેડ મહિલાને મારમાર્યો હતો જેથી ઇજા પામેલ મહિલાને સારવાર માટે હોસ્પિટલને લઈ ગયા હતા અને ત્યારબાદ તેને નોંધાવેલ ફરિયાદ આધારે પોલીસે ગુનો નોધી આરોપીને પકડવા માટે તજવીજ શરૂ કરેલ છે
મોરબીમાં વિદ્યુતનગર પાસે આવેલ વિક્રમ વાડી નજીક હનુમાનજીના મંદિર પાસે રહેતા શારદાબેન ટીકુભાઈ થરેશા (50) એ મુળુભાઈ, તેના પત્ની પુરીબેન તથા તેના દીકરાના પત્ની સામે બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, ફરિયાદી પોતાના ઘર પાસે પાણીથી શેરી ધોતા હતા અને પાણી પાડોશીના ઘર પાસે શેરીમાં ભરાયું હતું જેથી પુરીબેને બહાર આવીને કહ્યું હતું કે “શું કામ શેરીમાં પાણી ઢોરો છો” ત્યારે ફરીયાદીએ કહ્યું હતું કે, “શેરી કોઈના બાપની નથી” જેથી પૂરીબેનને તે સારું નહીં લાગતા ગાળો બોલવા લાગ્યા હતા અને ફરિયાદીનો હાથ પકડીને માર માર્યો હતો તેમજ મુળુભાઈએ ધોકા વડે ફરિયાદીને હાથ ઉપર મારમાર્યો હતો અને ત્યારબાદ પુરીબેન તથા તેના દીકરાના પત્નીએ આવીને ફરિયાદીને ગાળો આપીને મારામારીને ઇજા કરી હતી જેથી મહિલાને છાતી અને વાસાના ભાગે ઈજાઓ થઇ હોવાથી તેને સારવાર માટે લઈ ગયા હતા અને ત્યારબાદ મહિલાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે
