ટંકારાના ગજડી ગામે વાડીઓમાંથી 2025 ફૂટ કોપર વાયરની ચોરી
SHARE
JOIN OUR GROUP
ટંકારાના ગજડી ગામે વાડીઓમાંથી 2025 ફૂટ કોપર વાયરની ચોરી
ટંકારા તાલુકાના ગજડી ગામે વાડીઓમાં ખેડૂતો દ્વારા અલગ અલગ જગ્યા ઉપર પાથરવામાં આવેલ કોપર પટ્ટી કેબલ વાયર આશરે 2025 ફૂટ જેટલો ચોરી કરવામાં આવેલ છે જેથી કરીને 74,925 ની કિંમતના કોપર વાયરની ચોરી થઈ હોવા અંગેની ખેડૂતે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ ટંકારા તાલુકાના ગજડી ગામે રહેતા વિનોદભાઈ હીરાભાઈ ડાંગર (50)એ અજાણ્યા શખ્સની સામે ટંકારા તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં જણાવ્યું છે કે ગજડી ગામની સીમમાં અલગ અલગ વાડીઓમાં ફરિયાદી તથા સાહેદો દ્વારા પાથરવામાં આવેલ કોપર પટ્ટી કેબલ વાયરમાંથી 2025 ફૂટ જેટલા કોપર વાયરની ચોરી કરવામાં આવે છે જેવી કિંમત 74,925 જેટલી થાય છે અને આ કોપર વાયરની ચોરી સંદર્ભે હાલમાં ખેડૂતે નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
બાઇક સ્લીપ
મોરબીના મહેન્દ્રનગર ગામ પાસે પ્રભુકૃપા ટાઉનશીપમાં આવેલ શુભવિલામાં રહેતા કાસુન્દ્રા વાસુભાઈ મહેન્દ્રભાઈ (24) નામનો યુવાન લાલપર ગામ નજીક આવેલ શ્રીજી સિરામિક પાસેથી બાઈક લઈને જતો હતો ત્યારે બાઇક સ્લીપ થવાના કારણે અકસ્માત થયો હતો જે બનાવમાં ઈજા પામેલ યુવાનને સારવાર માટે હોસ્પિટલે લઈને આવ્યા હતા અને ત્યાં તેને સારવાર આપીને બનાવની પોલીસને જાણ કરવામાં આવી છે.
