મોરબી નજીક કારખાનામાં લેબર કોલોનીના બીજા માળે પારાપેટ ઉપર નીચે પટકાતાં ઇજા પામેલા યુવાનનું મોત
SHARE
JOIN OUR GROUP
મોરબી નજીક કારખાનામાં લેબર કોલોનીના બીજા માળે પારાપેટ ઉપર નીચે પટકાતાં ઇજા પામેલા યુવાનનું મોત
મોરબી નજીકના નીચી માંડલ ગામે આવેલ સીરામીક કારખાનામાં લેબર કોલોનીના બીજા માળે પારાપેટ ઉપર બેઠેલ યુવાન અકસ્માતે નીચે પડતા તેને માથા અને શરીરે ગંભીર ઇજા થઈ હતી જેથી તેને પ્રથમ સારવાર માટે મોરબી અને ત્યાંથી વધુ સારવાર માટે રાજકોટ સુધી લઈ ગયા હતા જોકે, સારવાર કારગત ન નિવડતા તે યુવાનનું મોત નીપજ્યું હતું આ બનાવની મૃતકના ભાઈએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
બનાવની જાણવા મળતી માહિતી મુજબ મૂળ મધ્યપ્રદેશમાં રહેવાસી અને હાલમાં મોરબી હળવદ હાઇવે રોડ ઉપર આવેલ નીચી માંડલ ગામની સીમમાં સેગા સીરામીકની લેબર કોલોનીના ક્વાર્ટરમાં રહેતો અને મજૂરી કામ કરતો લખનભાઈ પ્રતાપભાઈ રાવત (22) નામનો યુવાન લેબર કોલોનીના બીજા માળે પારાપેટ ઉપર બેઠો હતો દરમિયાન કોઈ કારણોસર અકસ્માતે તે ઉપરથી નીચે પટકાતા તેને માથામાં અને શરીરે ગંભીર ઇજા થઈ હતી જેથી તેને પ્રથમ સારવાર માટે મોરબી અને ત્યાંથી વધુ સારવાર માટે રાજકોટ સુધી લઈ ગયા હતા જો કે, સારવાર કારગત ન નિવડતા તેનું મોત નીપજ્યું હતું અને આ બનાવની મૃતકના ભાઈ ભગીરથભાઈ પ્રતાપભાઈ રાવત રહે. મધ્યપ્રદેશ વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
