મોરબી નવયુગ કોલેજના NSS સ્વયં સેવકો-કોલેજના વિધાર્થીએ નિક્ષય પોર્ટલ પર રજિસ્ટ્રેશન કર્યું
Morbi Today
મોરબી સંકલ્પ નવરાત્રી મહોત્સવમાં પ્રિન્સ-પ્રિન્સેસને ઈ-બાઇક સહિતના ઇનામો અપાયા
SHARE
JOIN OUR GROUP
મોરબી સંકલ્પ નવરાત્રી મહોત્સવમાં પ્રિન્સ-પ્રિન્સેસને ઈ-બાઇક સહિતના ઇનામો અપાયા
મોરબીમાં યંગ ઇન્ડિયા ગ્રુપ દ્વારા સતત 16માં વર્ષે આયોજીત સંકલ્પ નવરાત્રી મહોત્સવમાં ખેલૈયાઓ દરરોજ ઉત્સાહભેર ગરબે ઘૂમ્યા છે. ત્યારે ગઈકાલે અંતિમ દિવસે મેગા ફાઈનલ રાઉન્ડ યોજાયો હતો. જેમાં વિજેતા ખેલૈયાઓને ઇનામ આપી સન્માનિત કરાયા હતા અને ત્યાર બાદ રસોત્સવના મેદાનમ સફાઈ અભિયાન હાથ ધરવામાં આવ્યું હતુ જેમાં આયોજકો અને ખેલૈયાઓ સહિતના જોડાયા હતા.
મોરબીના રવાપર-ઘુનડા રોડ ઉપર પ્લેટીનિયમ પાર્ટી પ્લોટ ખાતે સંકલ્પ નવરાત્રી મહોત્સવમાં ખેલૈયાઓનો જમાવટ કરી હતી. અને નક્કી કરાયેલ કેટેગરી જેમાં લિટલ કિંગ, લિટલ ક્વીન, યંગ કિંગ અને યંગ ક્વીન એમ ચાર વિભાગમાં વિજેતા થયેલા ખેલૈયાઓને ઇનામો આપવામાં આવ્યા હતાં. અને લીટલ કિંગ તથા લિટલ ક્વીનને સાયકલ અને ગિફ્ટ હેમ્પર, તેમજ યંગ કિંગ અને ક્વીનને ઇલેક્ટ્રિક બાઇક આપવામાં આવ્યા હતા. લીટલ કિંગ તરીકે ભવ્ય કિશોરભાઈ બોપલિયા, લીટલ ક્વિન તરીકે પ્રિયાંશી રાજનભાઈ પરમાર, યંગ કિંગ તરીકે પાર્થ હિતેશભાઈ પાટડીયા તેમજ યંગ ક્વીન તરીકે અર્ચિતા હિતેશભાઈ પાટડીયાને ઇનામો આપી સન્માનિત કરવા આવ્યા હતાં. સમગ્ર નવરાત્રી મહોત્સવ દરમિયાન ખેલૈયાઓનો ઉત્સાહ આસમાને રહ્યો હતો. અને ગાંધી જયંતિને ધ્યાને રાખીને સ્વચ્છતા અભિયાન હાથ ધરવામાં આવ્યું હતું જેમાં આયોજકો તેમજ ખેલૈયાઓ સહિતના જોડાયા હતા.
