હળવદ નજીકથી ત્રીપલ સવારી બાઇક ટ્રેક્ટર સાથે અથડાયું: મોરબીના ત્રણ યુવાનોને ઇજા
Morbi Today
મોરબીમાં રવાપર ચોકડીએ બાળક-ગાંધીચોકમાં યુવાનના પગ ઉપર અજાણ્યા વાહન ચાલકે વ્હીલ ફેરવી દીધું !
SHARE
JOIN OUR GROUP
મોરબીમાં રવાપર ચોકડીએ બાળક-ગાંધીચોકમાં યુવાનના પગ ઉપર અજાણ્યા વાહન ચાલકે વ્હીલ ફેરવી દીધું !
મોરબીમાં રવાપર ચોકડી નજીક તથા ગાંધીચોક પાસે રસ્તાની નજીકમાં સૂતેલ એક બાળક અને એક યુવાનના પગ ઉપરથી અજાણ્યા વાહનના ચાલકોએ તેના વાહનના ટાયર ફેરવી દીધા હતા જેથી કરીને ઇજા પામેલા બંને વ્યક્તિને સારવાર માટે સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બંને બનાવની એ ડિવિઝન પોલીસને જાણ કરવામાં આવી હતી.
મોરબીમાં રવાપર ગામ નજીક રહેતા ખોડા સંજયભાઈ ડાભી (13) નામનો બાળક રવાપર ચોકડી પાસે રસ્તા નજીક સૂતો હતો દરમિયાન ત્યાં કોઈ અજાણ્યા વાહનના ચાલકે તેના પગ ઉપરથી વ્હીલ ફેરવી દીધું હતું જેથી કરીને બાળકને પગમાં ઇજા થયેલ હોવાથી તેને સિવિલ હોસ્પિટલે સારવાર માટે લઈને આવ્યા હતા આવી જ રીતે મોરબી વીસીપરા વિસ્તારમાં રહેતા ભોલાભાઈ ભગવાનભાઈ કોળી (46) નામનો યુવાન રોડ સાઈડમાં સૂતો હતો ત્યારે કોઈ અજાણ્યા વાહન ચાલકે તેના પગ ઉપરથી વ્હીલ ફેરવી દીધું હતું જેથી કરીને યુવાનને ઇજા થયેલ હોવાથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને આ બંને બનાવની મોરબી એ ડિવિઝન પોલીસને જાણ કરવામાં આવતા પોલીસે અકસ્માતના બંને બનાવની નોંધ કરી આગળ રાબેતા મુજબની કાર્યવાહી હાથ ધરી હતી
ત્રણ શખ્સોએ માર માર્યો
મોરબીમાં ગાંધીચોક પાસે રહેતા મુકેશભાઈ નાનજીભાઈ ગણાવા (22) નામના યુવાનને વીસી ફાટક નજીક દિપકભાઈ સહિત ત્રણ વ્યક્તિઓએ માર માર્યો હતો જેથી ઈજા પામેલ હાલતમાં તેને સારવાર માટે હોસ્પિટલે લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે.
