ટંકારા નજીકથી કારને આંતરીને લાખો રૂપિયાની લૂંટ: એક શખ્સ પોલીસની હાથવેંતમાં

મોરબી રાજકોટ હાઇવે રોડ ઉપર ટંકારા નજીક ખજુરા હોટલ પાસે રાજકોટ બાજુથી આવતી ગાડીને અંતરવામાં આવી હતી ત્યારબાદ ગાડીના કાચ તોડી નાખવામાં આવ્યા હતા અને ગાડીમાં બેઠેલ વ્યક્તિને માર મારીને તેની પાસે રોકડા રૂપિયા ભારે થેલો હતો તેની સનસનીખેજ લૂંટ કરવામાં આવેલ છે અને લૂંટ કરનારા શખ્સો પૈકીનો એક શખ્સ પોલીસની હાથવેંતમાં હોવાનું ચર્ચાઇ રહ્યું છે.

જાણવા મળતી માહિતી મુજબ ટંકારા નજીક ખજૂરા હોટલ સામેથી કાર પસાર થઈ રહી હતી ત્યારે તે કારને અંતરવામાં આવી હતી અને કારના કાચ તોડી નાખવામાં આવ્યા હતા અને બાદમાં કારમાં બેઠેલ વ્યક્તિને માર મારવામાં આવ્યો હતો અને કારમાં રોકડ રૂપિયા ભરેલ થેલો હતો તેની ધોળા દિવસે દિવસે લૂંટ કરવામાં આવી હતી. જોકે, આ બનાવની હજુ કોઈ ફરિયાદ નોંધાયેલ નથી પરંતુ સૂત્રો પાસેથી મળી રહેલ માહિતિ મુજબ લૂંટ કરવામાં આવી હતી અને લૂંટ કરીને ભાગેલ શખ્સોને પકડવા માટે પોલીસે નાકાબંધી કરાવેલ છે અને સૂત્રોના કહેવા મુજબ હરીપર ગામ નજીકથી લૂંટના ગુનામાં સંડોવાયેલ શખ્સો પૈકીનાં એક શખ્સને દબોચી લેવામાં આવેલ હોવાનું લોકોમાં ચર્ચાઇ રહ્યું છે.