ભારત દેશની નાગરિક સુરક્ષા દળ (Civil Defence) માં સ્વયંસેવકો તરીકે જોડાવવા મોરબીવાસીઓને આહવાહન
Morbi Today
મોરબીમાં મહારાણા પ્રતાપ સર્કલ પાસેથી થયેલ કેબલ વાયરની ચોરીના બે આરોપીની ચોરાઉ મુદામાલ સાથે ધરપકડ
SHARE
JOIN OUR GROUP
મોરબીમાં મહારાણા પ્રતાપ સર્કલ પાસેથી થયેલ કેબલ વાયરની ચોરીના બે આરોપીની ચોરાઉ મુદામાલ સાથે ધરપકડ
મોરબીમાં મહારાણા પ્રતાપ સર્કલ પાસે નવા બનતા બ્રિજના કામ પાસેથી 200 મીટર કેબલ વાયર અને અન્ય વસ્તુની ચોરી કરવામાં આવી હતી જેથી કરીને 16,000 ના મુદામાલની ચોરીની બી ડિવિઝન પોલીસ સ્ટેશન ખાતે ફરિયાદ નોંધાઇ હતી જેના આધારે પોલીસે બે આરોપીની ધરપકડ કરીને ચોરીમાં ગયેલ મુદામાલ કબજે કરેલ છે.
અમદાવાદ ખાતે રહેતા અરવિંદસિંગ કરણસિંગ લોધી (37)એ અજાણ્યા શખ્સની સામે મોરબી બી ડિવિઝન પોલીસ સ્ટેશન ખાતે ચોરીની ફરિયાદ કરી હતી જેમાં જણાવ્યું હતું કે, મોરબીમાં મહારાણા પ્રતાપ સર્કલ પાસે નવા બનતા બ્રિજ નીચે ફરિયાદીની સરકારી કચેરીના એલ એન્ડ ટી કંપની દ્વારા નાખેલ એનએફએસઓએફસી કેબલમાંથી 200 મીટર કેબલ વાયર જેની કિંમત 14,000 રૂપિયા તથા તેની સાથે લાગેલ જોઈન્ટ ક્લોઝર જેની કિંમત 2,000 આમ કુલ મળીને 16,000 રૂપિયાની કિંમતના મુદ્દામાલની ચોરી કરવામાં આવી છે જેથી પોલીસે ગુનો નોંધીને આરોપીને પકડવા માટે તજવીજ શરૂ કરી હતી તેવામાં બી ડિવિઝન પોલીસની ટીમને મળેલ બાતમી આધારે પોલીસે નટરાજ ફાટક નજીક વોચ રાખી હતી તેવામાં બી ડિવિઝન પોલીસની ટીમે ચોરીના ગુનામાં આરોપી દિનેશ નંદુભાઇ માવી (20) રહે. હાલ ભુમી ટાવર સામે ઝુપડામાં વાવડી ગામ તથા રજાકભાઇ લતીફભાઈ કચ્છી (62) રહે. કુબેરનાથ રોડ મેમણ શેરી મોરબી વાળાની ધરપકડ કરેલ છે અને તેની પાસેથી ચોરીમાં ગયેલ મુદામાલ કબ્જે કરેલ છે.
