મોરબીના ભડીયાદ નજીકથી જામગરી બંદુક સાથે એક શખ્સની ધરપકડ

મોરબી તાલુકાના ભડીયાદ ગામ તરફ જતા કાચા રસ્તા ઉપરથી એક શખ્સ પસાર થઈ રહ્યો હતો જેને રોકીને પોલીસે ચેક કર્યો હતો ત્યારે તેની પાસેથી દેશી હાથ બનાવટની એક જામગરી બંદુક મળી આવી હતી જેથી તેને પકડીને તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરેલ છે.

મોરબી જિલ્લા એસઓજીના પીઆઇ એન.આર.મકવાણા ની સૂચના મુજબ સ્ટાફ કામ કરી રહ્યો છે તેવામાં મુકેશભાઈ જોગરાજીયા, જુવાનસિંહ રાણા તથા આશીફભાઇ રાઉમાને સંયુક્ત રીતે ખાનગી બાતમી મળી હતી કે, મચ્છુ-ર ડેમની નજીક પુલથી ભડીયાદ તરફ જતા કાચા રસ્તા ઉપર જાહેરમાં એક વ્યક્તિ શરીરે કાળા કલરનું ટુંકી બાયનું ટીશર્ટ અને બ્લુ જીન્સ પેન્ટ પહેરેલ છે તે જય રહ્યો છે અને તેની પાસે હથિયાર છે જેથી પોલીસે વોચ રાખેલ હતી અને ત્યાંથી બાતમી વાળો શખ્સ નીકળતા તેને રોકીને નામ પૂછાતા તેનું નામ પ્રકાશભાઇ રામજીભાઈ વાનેસીયા (૩૫) રહે ભડીયાદ કાંટા પાસે મોરબી વાળો હોવાનું સામે આવ્યું હતું અને તેની પાસેથી દેશી બનાવટની જામગરી એક બંદુક મળી આવી હતી જેથી પોલીસે ૨૦૦૦ ની કિંમતનું હથિયાર કબ્જે કરીને તેની ધરપકડ કરી હતી અને ત્યાર બાદ મોરબી તાલુકા પોલીસ સ્ટેશને આર્મ્સ એક્ટ મુજબ ગુનો નોંધીને પોલીસે આગળની કાર્યવાહી કરેલ છે.