ટંકારાના લજાઈ નજીક કોમ્પલેક્ષની છત ઉપરથી દારૂની 192 બોટલ રેઢી મળી !: બુટલેગરની શોધખોળ

ટંકારા તાલુકાના લજાઈ ગામ પાસે ભરડીયા રોડ ઉપર આવેલ કોમ્પલેક્ષની છત ઉપર દારૂનો જથ્થો હોવા અંગેની હકીકત મળી હતી જેના આધારે સ્થાનિક પોલીસ દ્વારા ત્યાં રેડ કરવામાં આવી હતી ત્યારે કોમ્પ્લેક્સની છત ઉપરથી દારૂની નાની-મોટી કુલ મળીને 192 બોટલો મળી આવતા પોલીસે 78,660 ની કિંમતનો દારૂનો જથ્થો કબજે કર્યો હતો જો કે, રેડ કરવામાં આવી હતી ત્યારે આરોપી હાજર ન હોય હાલમાં ટંકારા તાલુકા પોલીસ સ્ટેશન ખાતે એક શખ્સની સામે ગુનો નોંધી આરોપીને પકડવા માટે તજવીજ શરૂ કરેલ છે.

જાણવા મળતી માહિતી મુજબ ટંકારા તાલુકા પોલીસની ટીમ પેટ્રોલિંગમાં હતી ત્યારે લજાઈ પાસે આવેલ ભરડીયા રોડ ઉપર સાર્થક પોલીપ્લાસ્ટ કારખાનાની બાજુમાં આવેલ પાંચ દુકાનવાળા કોમ્પ્લેક્સની અગાસી ઉપર દારૂનો જથ્થો રાખીને વેચાણ કરવામાં આવી રહ્યું છે તેવી હકીકત પોલીસને મળી હતી જેથી ત્યાં દારૂની રેડ કરવામાં આવી હતી ત્યારે સ્થળ ઉપરથી દારૂની જુદી જુદી બ્રાન્ડની નાની મોટી કુલ મળીને 192 બોટલો મળી આવી હતી જેથી પોલીસે 78,660 ની કિંમતનો દારૂનો જથ્થો સ્થળ ઉપરથી કબજે કર્યો હતો અને રેડ કરવામાં આવી હતી ત્યારે આરોપી હાજર ન હોવાથી હાલમાં ટંકારા તાલુકા પોલીસ સ્ટેશન ખાતે ચંદ્રસિંહ ઉર્ફે કાળુભા સરદારસિંહ ઝાલા રહે. લજાઈ તાલુકો ટંકારા વાળાની સામે ગુનો નોંધીને તેને પકડવા માટે તજવીજ હાથ ધરવામાં આવી છે આ અંગેની આગળની વધુ તપાસ જે.એમ. જાડેજા ચલાવી રહ્યા છે.