માળિયા (મી.)ના વવાણીયા નજીકથી મળી આવેલ અજાણ્યા મૃતક યુવાનની ઓળખ મેળવવા તજવીજ

માળીયા (મી) તાલુકાનાં વવાણીયા ગામની સીમમા રણ વિસ્તારમા અજાણ્યા 40 વર્ષના યુવાનનો મૃતદેહ મળી આવેલ હતો અને બીમારી સબબ તે યુવાનનું મોત નીપજયું હતું જો કે તેના વાલી વારસ મળી આવેલ નથી જેથી મૃતકના મૃતદેહને મોરબી સિવિલના કોલ્ડ સ્ટોરેજમાં મૂકવામાં આવેલ છે.

વધુમાં પોલીસે આપેલ માહિતી મુજબ મૃતક યુવાનનો શરીરે પાતળો બાંધો, વાને ઘઉવર્ણ, માથાના ભાગે લાંબા કાળા વાળ તથા દાઢી છે. તથા શરીરે ભુખરા કલરનો શર્ટ તથા બ્લુ કલરની ટુકી ચડી પહેરેલ છે જમણા હાથે ત્રાજવેથી હીન્દીમાં “ભોલે” ત્રોફાવેલ છે અને ગળામા પીળા કલરની ધાતુનો ચેન, જમણા હાથના કાંડામાં પીળી ધાતુનુ કાંડુ, જમણા હાથની ત્રીજી આંગળીમાં પીળી ધાતુની વીટી પહેરેલ છે. હજુ સુધી આ મૃતક યુવાનનો પત્તો લાગેલ નથી જેથી તેના કોઈ સગા સબંધીને કોઈ જાણતું હોય કે પછી મૃતક યુવાનને ઓળખતુ હોય તો મોબાઈલ નંબર 63572 40716 કે પછી 99130 60167 ઉપર સંપર્ક કરવા જણાવ્યુ છે.