હળવદના માથક ગામની સીમમાંથી કેબલ વાયરની ચોરી કરનાર બે આરોપી ઝડપાયા

હળવદ તાલુકાના માથક નજીકથી ઈલેક્ટ્રીક મોટરના કેબલ વાયરની ચોરી કરવામાં આવી હતી જે ગુનામાં હળવદ તાલુકા પોલીસે હાલમાં બે આરોપીને ચોરીમાં ગયેલા મુદ્દામાલ સાથે ઝડપી લીધેલ છે.

જાણવા મળતી માહિતી મુજબ હળવદ તાલુક પોલીસ કેબલ ચોરીની ફરિયાદ નોંધાયેલ હતી જેમાં જણાવ્યુ હતું કે, માથક ગામની સીમમાં ડો. મનસુખભાઈ પટેલની વાડી આવેલ છે ત્યાંથી 71 મીટર કેબલની ચોરી કરવામાં આવી હતી જેથી 14,200 ના મુદામાલની ચોરીની ફરિયાદ નોંધાઇ હતી જેથી આરોપીને પકડવા તજવીજ ચાલી રહી હતી તેવામાં નાઈટ પેટ્રોલિંગ દરમ્યાન હળવદના શિરોઈ ગામના પાટીયા પાસેથી બે શખ્સોને કેબલ સાથે પકડવામાં આવ્યા હતા. હાલમાં પોલીસે આરોપી માનસીંગ રાવજીભાઈ બારીયા (46) અને મિથુન રૂપજીભાઇ બારીયા (35) રહે. હાલ બંને રણછોડગઢ ગામની સીમમાં મુનાભાઈની વાડીએ મૂળ રહે. રાજસ્થાન વાળાને પકડેલ છે અને ચોરીમાં ગયેલ કેબલ જપ્ત કરવામાં આવેલ છે,